41:362  mes,  de  laquelle  ils  sont  transportes,  comme  d'une  ivrongnerie,  pour  ne  scavoir  ce  qu'ils  doivent  faire,  car  ainsi  que  Dieu  s'estoit  declare  en  Babilonne,  ne  falloit-il  pas  qu'il  y  fust  tousiours  reconneu?  Daniel  donc  presuppose  que  quant  Balsazar  adore  les  idoles,  que  cela  est  venu  d'orgueil,  car  s'il  eust  conneu:  Ie  suis  ordonne  Roy,  non  point  par  mon  industrie,  non  point  par  mes  vertus,  et  prouesses,  mais  c'est  Dieu  qui  m'a  donne  la  possession  du  Royaume,  ie  suis  certain  qu'il  m'a  institue  la  ou  maintenant  ie  suis.  Si  Balsazar  di-ie  eust  eu  une  telle  consideration,  il  n'eust  iamais  este  idolatre^  mais  voila  un  ivrongne  adonne  a  toute  intemperance,  voila  un  blasphemateur  de  Dieu,  qui  se  moque  de  la  maieste  du  Dieu  vivant,  il  despite,  et  deshonore  (en  tant  qu'en  luy  est)  en  ses  banquets,  en  ses  triomphes,  il  fait  ses  pompes,  comme  s'il  avoit  vaincu  le  Dieu  d'Israel:  et  cependant,  il  y  ha  un  orgueil  tel  qu'il  ne  se  soucie  de  toutes  les  menaces  que  Dieu  luy  envoie,  qu'il  hurle  comme  une  beste  enragee  a  l'encontre  de  toutes  les  admonitions.  Quand  Balsazar  est  tel,  ie  vous  prie,  que  dira-on,  sinon  qu'il  ne  reconnoist  nulle  divinite  par  dessus  soy.  Et  ce  qu'il  fait  envers  ses  idoles,  ce  n'est  sinon  une  contrainte,  pour  dire  qu'il  n'est  pas  sans  religion:  Ainsi  donc,  ce  n'est  pas  sans  cause,  que  Daniel  luy  reproche,  qu'il  n'ha  point  este  humble  devant  Dieu  (lequel  tient  ton  ame,  dit-il)  et  toutes  tes  voyes  en  sa  main,  et  en  sa  conduite.  Or  il  nous  faut  bien  noter  a  qui  c'est  que  Daniel  parle,  c'est  a  ce  grand  Roy  qui  pensoit  bien  que  tout  le  monde  deust  ploier  soubs  luy,  mais  il  luy  declare  que  Dieu  ha  tenu  sa  vie,  comme  son  estat,  en  sa  conduite,  qu'il  en  pourra  disposer  comme  il  voudra.  Voila  comme  la  presomption  de  Balsazar  est  abatue.  Or  si  Dieu  ha  ainsi  fait  parler  Daniel  a  un  Roy  si  hautain,  pensons  a  nous,  et  quant  ]e  diable  taschera  a  nous  decevoir,  pour  nous  faire  accroire  ceci,  et  cela,  a  fin  de  nous  eslever  en  haut,  que  nous  connoissions  bien  que  ce  n'est  rien  de  nous,  commencons  par  nostre  vie,  et  nous  trouverons  que  ce  n'est  qu'un  petit  umbrage,  qui  s'esvanouist  en  une  minute  de  temps,  espluchons  bien  tout  ce  qui  est  en  nos  corps,  et  en  nos  ames,  et  nous  n'y  trouverons  rien  du  tout.  Il  est  donc  bien  necessaire  de  nous  advertir  de  cela,  a  fin  que  nous  soions  en  Dieu,  ce  que  nous  ne  pouvons  estre  au  monde,  car  en  ce  monde  il  n'y  ha  rien  de  ferme,  mais  quant  nous  aurons  nostre  fermete  en  Dieu,  elle  aura  si  bon  fondement,  que  nous  pourrons  nous  glorifier,  d'estre  compagnons  des  Anges,  encores  que  de  nostre  nature,  nous  soions  bien  legers  et  inconstans.  Or  cependant,  nous  voions  quelle  folie  c'est  aux  grands  de  ce  monde,  d'estre  si  orgueilleux,  car  ceux  qui  sont  en  credit,  qui  ont  quelque  autorite,  voudroient  bien  qu'on  les  espargnast,  et  leur  semble