32:362  in  praeteritum  mutare,  ac  si  Deus  populum  suum  vindicasset  contra  Aegyptios,  frigidum  commentum  est,  ac  remotum  a  Mosis  et  Psalmi  huius  contextu.  Quia  verbum  D|-|3  Hebraeis  tam  poenitentia  duci,  quam  consolationem  accipere  significat,  utrovis  modo  accipias,  optime  constabit  sensus.  Nam  quoties  in  gratiam  redit  Deus  cum  ecclesia,  quamvis  nulla  in  eum  cadat  mutatio,  in  re  tamen  ipsa  apparet.  Ergo  poenitentia  dicetur  affici,  dum  ecclesiam,  quam  iratus  iustis  poenis  afflixerat,  clementius  tractare  incipit.  Consolationem  etiam  accipere  vel  placare  super  populo  suo  dicitur,  dum  foederis  sui  aeterni  memor,  ubi  eum  ad  momentum  castigavit,  perpetuis  misericordiis  prosequitur:  sicut  dicit  apud  Iesaiam  54,  8.  Summa  huc  redit,  temporalem  esse  iram  Dei  erga  fideles:  ac  dum  ulciscitur  eorum  scelera,  misericordiae  suae  recordari  in  medio  irae  cursu,  sicut  docet  Habacuc  cap.  3,  2:  atque  ita  pingitur  nobis  Deus  sub  humana  figura,  quia  induitur  paterno  affectu,  dum  filios  suos,  qui  merito  abdicandi  erant,  restituit:  quia  non  potest  a  visceribus  suis  avelli.  Ac  si  diceret,  Deum  misericordem  esse  fidelibus,  quia  filii  sunt:  ipse  vero  se  orbare  nolit,  denique  ideo  esse  placabilem,  quia  deliciae  eius  sunt,  suaviter  fovere  quos  pro  filiis  agnoscit.  15.  Simulacra  gentium,  argentum  et  aurum,  opus  manuum  hominis.  16.  Os  illis,  et  non  loquentur:  oculi  illis,  et  non  videbunt.  17.  Aures  ipsis,  et  non  audient:  etiam  non  est  spiritus  in  ore  ipsorum,  18.  Similes  sint  illis  qui  faciunt  ea.  quisquis  confidit  in  illis.  19.  Domus  Israel  benedicite  Iehovae,  domus  Aaron  benedicite  Iehovae.  20.  Domus  levi  benedicite  Iehovae,  timentes  Iehovam,  benedicite  Iehovae.  21.  Benedictus  Iehova  e  Sion,  qui  habitat  in  Ierusalem.  Haileluiah.  15.  (Simulacra.)  Quia  tota  haec  pars  Psalmi  exposita  alibi  fuit,  supervacuum  esset  insistere  :  et  repetitio  lectoribus  molesta  esset.  Consilium  ergo  prophetae  paucis  tantum  verbis  obiter  perstringam.  Nam  gentium  socordiam  exagitans,  quod  Deum  non  putarent  sibi  propinquum  esse  nisi  ad  idola  confugerent,  Israelitas  admonet  quam  praeclare  cum  ipsis  actum  fuerit:  quo  se  attentius  contineant  in  simplici  et  puro  Dei  cultu,  et  a  profanis  superstitionibus  abhorreant.  Tandem  enim  concludit,  quo  plus  impendunt  operae  idololatrae  in  colendis  suis  idolis,  gravius  sibi  iudicium  accersere.  Nam  certe  falsorum  deorum  cultoribus  tam  horribilem  vindictam  denuntiat,  ut  ab  eorum  exemplo  absterreantur  quicunque  edocti  sunt  in  lege  Dei.  Caeterum  quum  Psalmus  115  ad  sperandum  hortetur,  propheta  hic  Deum  benedicere  iubet.  Levitas  autem  domui  Aaron  adiungit  propter  duos  sacerdotii  ordines.  Reliqua  omnia  conveniunt,  nisi  quod  ultimo  versu  propheta