25:362  enim  beneficentia  eius  ad  omnes  defluxit,  suos  tamen  ita  respexit,  ut  eorum  maxime  causa,  curam  suam  ad  alios  usque  extenderet.  Et  nomen  numeri  diserte  ponitur:  ac  si  diceret  Moses,  quamlibet  exigua  sit  portio  generis  humani  Abrahae  posteritas,  numerum  tamen  illum  fuisse  Deo  prae  oculis,  quum  ordinaret  statum  totius  mundi:  nisi  forte  nomen  HDDD  accipere  placeat  pro  ratione:  sed  non  male  convenit  exiguam  manum  ita  pretiosam  fuisse  Deo,  ut  ad  eius  salutem  totius  mundi  gubernationem  aptaret.  Quod  ad  gentium  vocationem  quidam  referunt,  ac  si  diceret  Moses,  imperium  universae  terrae  destinatum  esse  Abrahae  semini,  quia  propagandum  erat  per  omnes  mundi  plagas,  prorsus  alienum  est:  quia  hic  simpliciter  notatur  distinctio,  qua  olim  gens  una  excelluit.  9.  Pars  enim  Iehovae.  Hoc  praecipuum  est  caput:  Deum  nonnisi  mero  beneplacito  fuisse  adductum  ut  tanti  faceret  populum,  qui  ex  communi  origine  esset  progenitus.  Nam  quum  dicit  Iacob  fuisse  partem  Iehovae,  et  sortem  haereditatis,  non  intelligit  quidquam  in  eo  fuisse  aliis  melius,  sed  causam  assignat  cur  praetulerit  Deus  gentem  unam  cunctis  mortalibus:  quia  eam  sibi  sumpsit  quasi  haereditariam  partem,  quae  dignitas  a  gratuita  electione  pendet.  EX  EODEM  CAPITE.  10.  Invenit  eum  in  terra  deserti,  et  in  vastistate  horroris  deserti  circumduxit  eum,  introduxit  eum,  custodivit  eum  ut  pupillam  oculi  sui.  ll.  Ut  aquila  quae  excitat  nidum  suum,  super  pullos  suos  cubat,  expandit  alas  suas,  assumit  eum  portando  super  alas  suas.  12.  Iehova  solus  deduxit  eum,  et  non  fuit  cum  illo  deus  alienigenae.  13.  Equitare  fecit  eum  super  excelsa  terrae,  et  comedit  fructus  agri,  et  fecit  ut  surgeret  mel  e  petra,  et  oleum  e  silice  petrae.  14.  Butyrum  bovis,  et  lac  ovium,  cum  adipe  agnorum,  et  arietes  filios  Basan,  et  hircos  una  cum  adipe  granorum  tritici,  et  sanguinem  uvae  bibisti  rubicundum.  15.  Et  impinguatus  est  Rectus,  et  recalcitravit:  impinguatus  esf  incrassatus  es,  operuisti:  et  dereliquit  Deum  qui  fecit  eum,  ac  despexit  Deum  salutem  suam.  16.  Provocaverunt  eum  ad  zelum  super  extraneos,  per  abominationes  irritaverunt  eum.  17.  Sacrificaverunt  daemoniis,  non  Deo,  diis  quos  non  noverant,  novis  qui  de  propinquo  venerunt  quos  non  timuerunt  patres  vestri.  18.  Dei  qui  genuit  te  oblitus  est  oblitus  es,  inquam,  Dei  qui  creavit  te.  10.  Invenit  eum  in  terra  deserti.  Si  omnia  quae  Dens  paterni  favoris  ac  dilectionis  erga  populum  illum  documenta  ediderat  referre  propositum