6:361  DE  LIBERO  ARBITRIO.  derem.  Nam  et  eo  modo  neque  animam  per  se  immortalem  esse  concedimus.  Quin  etiam  sic  docet  Paulus,  quum  soli  Deo  tribuit  immortalitatem  (1  Tim.  6,  16).  Neque  tamen  propterea  mortalem  natura  esse  animam  fatemur:  quando  non  ex  prima  essentiae  virtute  aestimamus  naturam,  sed  ex  perpetuo  statu,  quem  suis  creaturis  Deus  indiderit.  Quum  ergo  hac  lege  conditus  foret  homo,  ne  mortem  aut  corruptionem  unquam  sentiret,  suo  sibi  vitio  mortis  damnationem  contraxit.  Ita  quum  de  mortis  origine  disputat  apostolus,  non  eam  ad  naturam  refert,  sed  ad  peccatum  (Rom.  5,  12).  Proinde  a  moriendi  necessitate  immunem  fuisse,  naturae  sanitas  erat:  nunc  autem  mortis  iudicio  subiacere,  morbus  est.  Haec  sana  est  ac  simplex  philosophia,  quae  vagis  illis  et  volaticis  Pighii  speculationibus  importune  evertitur.  Ut  caro,  inquit,  cum  ratione  pugnet,  eamque  in  iustitiae  obedientia  impediat  ac  turbet,  naturae  est,  non  vitii.  Hic  vero  an  non  plenis  buccis  Manichaeum  se  esse  profitetur?  Nota  est  omnibus  Eccii  temulentia,  Oochlei  fatuitas:  sed  tam  flagitiosae  impudentiae,  quod  sciam,  non  exstat  par  exemplum.  Plus  centies  nobis  iam  Manichaei  nomen  exprobravit,  quod  naturam  damnemus,  quum  naturae  corruptioni  dicamus  imputandum,  quidquid  est  in  homine  vitii.  Nunc  autem  quid?  Illa,  inquit,  quae  rationi  facit  negotium,  carnis  rebellio,  et  quae  iustitiae  reluctatur,  non  alia  est  quam  quae  fuerat  ante  peccatum  in  prima  origine.  Vides  ut,  in  creatoris  contumeliam,  essentiale  esse  in  homine  malum,  impurum  os  pronunciet?  Nisi  forte  contumaciam,  quam  iustitiae  obsequio  repugnare  ipse  tradit,  a  vitio  velit  excusare.  Verum  citius  [pag.  179]  se  ex  labyrintho  expediat,  quam  ut  tam  manifestum  sacrilegium  ullo  colore  excuset.  Quum  ante  mentiebatur,  Deum  nos  facere  mali  autorem,  illud  erat  extremum  probrum,  quo  nos  gravari  posse  existimabat.  Quid  nunc  ex  suo  sensu  eloquitur?  Quod  rebellio,  quae  ex  carne  sentitur,  adversus  rationis  et  iustitiae  obsequium,  ex  natura  et  Deo  sit,  non  defectionis  vitio.  Legat  nunc,  qui  volet,  deliria  Manichaei,  ut  a  veteribus  referuntur:  et  non  alia  fuisse  reperiet.  Concludit  ergo,  in  naturalibus  nihilo  homini  deperiisse:  sed  tantum  fuisse  supernaturalibus  donis  ornatum,1)  quae  in  eum  Deus  contulerat.  Sed  in  eo  hallucinatur,  quod  sanitatem,  quae  vera  est  ac  genuina  naturae  constitutio,  non  potest  ab  accidente  vitio  discernere.  Hoc  discrimine  non  adhibito,  nihil  mirum,  si  omnia  confundat.  Hoc  quale  sit,  paucis  expediam.  Affectus  omnes,  qui  in  hominem  naturaliter  cadunt,  nos  quoque  ex  prima  naturae  creatione  esse  agnoscimus.  Ut  sunt,  exempli  gratia,  1)  Sic  edd.  latinae  omnes,  sed  omnino  legendum  :  orbatum  (despouille).