52:361  361  CAPUT  II.  362  longissime  eius  cura  et  studium  extendere  se  poterit.  3.  Tu  igitur  feras  afflictiones.  Non  sine  magna  necessitate  hanc  secundam  exhortationem  attexuit.  Se  enim  ad  ferendas  afflictiones  comparent  oportet  qui  sua  obsequia  Christo  offerunt.  Itaque  nunquam  erit  perseverantia  sine  tolerantia  malorum.  Et  ideo  addit,  sicuti  decet  bonum  militem  C  h  r  i  s  t  i  :  quo  verbo  significat  militare  omnes  qui  Christo  serviunt:  et  eorum  militiam  non  malis  inferendis,  sed  magis  patientia  constare.  Harum  rerum  meditatio  plus  quam  necessaria  nobis  est.  Videmus  quam  multi  hastas  quotidie  abiiciant,  qui  magnum  nescio  quid  prae  se  ferebant.  Unde  id?  quia  cruci  assuescere  nequeunt.  Primum  tanta  est  mollities,  ut  militiam  horreant.  Deinde  non  aliam  tenent  militandi  rationem,  quam  ut  ferocia  cum  adversariis  certent.  Quid  autem  sit  possidere  animas  in  patientia,  discere  non  sustinent.  4.  Nemo  qui  militat.  Perstat  in  similitudine  quam  a  militia  sumpserat.  Quamquam  proprie  loquendo  metaphorice  prius  dicit  Christi  militem:  nunc  vero  comparatione  utitur  profanae  militiae  cum  spirituali  et  christiana,  hoc  sensu:  ea  est  disciplinae  militaris  ratio,  ut  simul  atque  miles  imperatori  nomen  dedit,  relicta  domo  et  negotiis  omnibus,  non  nisi  de  bello  cogitet.  Ita  ut  Christo  penitus  addicti  simus,  omnibus  huius  saeculi  impedimentis  solutos  esse  oportet.  Per  n  e  g  o  t  i  a  v  i  t  a  e  intelligit  familiae  administrandae  curam  et  ordinarias  occupationes.  Ut  agriculturam  suam  rustici,  mercatores  sua  commercia  tabernasque  deserunt,  donec  stipendiis  suis  sint  perfuncti.  Nunc  applicanda  est  comparatio  ad  rem  praesentem:  quod  quisquis  vult  sub  Christo  militare,  debet  relictis  omnibus  mundi  tricis  et  avocamentis,  se  illi  totum  suaque  studia  addicere.  Denique  meminerimus  veteris  proverbii,  Hoc  age  :  quod  significat  ita  serio  incumbendum  esse  peragendis  sacris,  ut  studium  nostrum  et  intentionem  nihil  aliud  impediat.  Lectio  illa  vulgaris:  nemo  militans  Deo  ete,  corrumpit  totum  Pauli  sensum.  Porro  ecclesiae  pastores  sub  Timothei  persona  alloquitur  hic  Paulus.  Generalis  quidem  est  sententia:  sed  quae  peculiariter  verbi  ministris  competit.  Videant  ergo  hi  primum  quae  sint  a  sua  functione  aliena,  ut  soluti  Christum  sequantur.  Deinde  videant  alii,  quisque  in  suo  ordine,  quid  eos  a  Christo  abstrahat:  ne  hic  coelestis  imperator  minus  habeat  in  nos  iuris,  quam  sibi  vendicat  homo  quispiam  mortalis  in  profanos  milites,  qui  in  eius  nomen  iurarunt.  5.  Quod  si  quis  etiam  certaverit.  Nunc  agit  de  perseverantia:  ne  quis  putet  se  uno  aut  altero  conflictu  esse  perfunctum.  Ac  similitudinem  quidem  ab  athletis  mutuatur,  quorum  nemo  praemium  obtinet,  nisi  ad  extremum  victor  perstiterit.  Sic  prioris  ad  Corinthios  cap.  9,  24,  Omnes  quidem  in