5:361  CATECHISMUS.  ipsum  auscultare  oporteat:  horumque  ministerium  et  Dei  mandato  adprobatum,  et  ecclesiae  necessarium  esse  credimus:  ita  e  converso  pronunciamus,  [pag.  61]  impostores,  omnesque  pseudoprophetas,  qui  relicta  evangelii  puritate,  ad  sua  commenta  '  declinant,  nequaquam  esse  ferendos,  qualescunque  pastorum  titulos  praeferant;  quin  potius,  ceu  lupos  rapaces  e  medio  ecclesiae  eliminandos  et  abigendos.  DE  MAGISTRATU.  Dominationem  ac  potestatem,  tam  regum  ac  principum,  quam  reliquorum  magistratuum,  inter  res  sanctas  ac  legitimas  Dei  ordinationes  numeramus.  Atque  ut  illi,  dum  munere  suo  perfunguntur,  Deo  serviunt  et  christianam  sequuntur  vocationem,  sive  innocentibus  opitulentur,  quos  inique  opprimi  videant:  sive  improborum  audaciam,  severe  in  eos  vindicando,  coerceant:  sic  nos  vicissim  eos  revereri  debemus  ac  suscipere,  subiectionem  ac  obedientiam  illis  exhibere,  eorum  iussa  exsequi,  onera  et  munia