47:361  361  CAPUT  XVI.  362  nem  qua  reformantur  omnia,  quum  ipse  Christus  subacto  et  triumphato  Satana  solus  regnum  obtinet.  Iudicium  ergo  rebus  confusis  et  dissipatis  opponitur,  vel  ut  brevius  dicam,  antitheton  est  xfjc  axa^iac,  ac  si  rectitudinem  quis  diceret,  quo  sensu  frequenter  sumitur  in  scriptura.  Sensus  ergo  est,  Satanam  quamdiu  imperio  potitur  miscere  omnia  et  turbare,  ut  foeda  sit  ac  deformis  operum  Dei  confusio,  sed  ubi  tyrannide  sua  exuitur  per  Christum,  tunc  mundo  reparato  ordinem  bene  temperatum  lucere.  Ita  mundum  spiritus  de  iudicio  convincit,  hoc  est  quod  Christus  devicto  iniquitatis  principe,  quae  prius  collapsa  erant  et  divulsa  in  ordinem  restituit.  12.  Adhuc  multa  habeo.  Non  potuit  tantum  apud  discipulos  valere  Christi  concio,  quin  sua  eos  ruditas  adhuc  perplexos  in  multis  teneret:  imo  vix  tenui  gustu  libabant,  quae  ipsos  penitus  reficere  debebant,  nisi  obstitisset  carnis  imbecillitas.  Fieri  ergo  non  poterat  quin  suae  inopiae  conscii  metu  et  anxietate  laborarent.  Christus  autem  cum  hac  consolatione  occurrit,  quod  accepto  spiritu  novi  et  longe  alii  homines  futuri  sint.  Quod  igitur  pares  ferendo  esse  negat,  si  plura  et  altiora  illis  dixerit,  huc  pertinet,  ut  spe  melioris  profectus  erecti  non  despondeant  animos.  Metiri  enim  gratiam,  qua  donandi  erant,  ex  praesenti  sensu  non  oportuit,  quum  tam  procul  a  coelo  abessent.  In  summa,  bono  et  forti  animo  esse  iubet,  quantumvis  nunc  sint  debiles.  Caeterum,  quia  nulla  praeter  doctrinam  futura  erat  in  quam  recumberent,  admonet  Christus  se  illam  temperasse  pro  eorum  modulo,  sic  tamen  ut  altior  et  uberior  brevi  speranda  sit,  ac  si  diceret:  Si  nondum  ad  vos  stabiliendos  sufficit  quod  ex  me  audistis,  tolerate  paulisper:  nam  paulo  post  spiritus  magisterio  edoctis  nihil  amplius  deerit,  absolvet  ille  quod  rude  adhuc  in  vobis  est.  Nunc  quaeritur  quaenam  ista  fuerint  quibus  discendis  nondum  idonei  erant  apostoli.  Papistae  ut  sua  figmenta  pro  Dei  oraculis  obtrudant,  hoc  loco  improbe  abutuntur.  Christus,  inquiunt,  novas  apostolis  revelationes  promisit:  ergo  in  scriptura  subsistere  non  convenit,  supra  quam  ille  suos  vocat.  Primum  si  cum  Augustino  loqui  placeat,  solutio  ad  manum  erit.  Verba  eius  sunt:  Quum  tacuerit  Christus,  quis  nostrum  dicat  ista  vel  illa  esse?  aut  si  dicere  audeat,  unde  probabit?  quis  tam  vanus  aut  temerarius,  qui  etiamsi  vera  dicat,  sine  ullo  divino  testimonio  affirmet,  ea  esse  quae  dicere  tunc  Dominus  noluit?  Verum  certior  nobis  ad  eos  refellendos  ex  Christi  verbis  suppetit  ratio.  Perfectus  veritatis  magister  dicitur  spiritus,  quem  pollicitus  est  apostolis  Christus:  quorsum  autem  promissus  est,  nisi  ut  acceptam  ab  eo  sapientiam  per  manus  traderent?  -Datus  est  illis  spiritus,  quo  duce  et  directore  iniuncto  sibi  officio  defuncti  sunt.  Eos  idem  ille  spiritus  in  omnem  veritatem  perduxerat,  quum  doctrinae  suae  summam  scriptis  complexi