41:361  361  SUR  LB  V.  CHAP.  DE  DANIEL.  362  ainsi  dur  a.  l'esperon,  il  ne  cessera  de  frapper,  et  si  ie  ne  pense  point  a  tout  cela,  ne  faut-il  pas  donc  dire  que  ie  suis  un  homme  desespere?  Ainsi  donc,  qu'un  chacun  de  nous  regarde  bien  a  soy,  que  s'il  nous  faut  estendre  nostre  veue  au  loing,  voire  iusques  a  quatre  mille  ans  et  plus,  iusqu'au  commencement  du  monde,  pour  contempler  les  iugemens  de  Dieu,  s'il  nous  les  fait  voir  a  l'environ  de  nous,  en  nos  personnes  mesmes,  ne  faut-il  pas  que  nous  y  soyons  plus  attentifs?  Voila  donc  comme  chacun  doit  profiter  soubs  les  verges  de  Dieu,  et  soubs  sa  discipline  quant  il  nous  chastie,  que  nous  sachions  que  par  ce  moien  il  nous  veut  attirer  a  luy,  et  non  pas  ensevelir  ce  qu'il  nous  declare  de  ses  iugemens,  comme  en  ha  fait  Balsazar,  duquel  il  est  icy  fait  mention.  Or  notamment  Daniel  luy  dit,  qu'il  n'ha  point  humilie  son  coeur,  qu'il  ha  mesprise  le  Dieu  vivant,  voire  combien  que  desia  il  se  fust  monstre  et  declare  tel,  cependant  qu'il  ha  prise  les  dieux  d'or,  et  d'argent,  et  de  bois,  et  de  pierre.  Ici  on  peut  alleguer  (ce  semble)  que  Balsazar  ha  chemine  selon  ce  qu'il  pensoit,  car  quant  il  ha  adore  les  idoles,  ce  n'est  pour  orgueil  qui  fust  en  luy,  plustost  c'est  signe  d'humilite.  Quant  un  homme  s'en  va  adorer  une  piece  de  bois,  qu'il  ne  desdaigne  point  de  s'agenouiller  devant  une  chose  morte,  pour  l'honneur  de  Dieu,  il  semble  qu'il  s'humilie  beaucoup,  mais  Daniel  presuppose  que  Balsazar  devoit  estre  enseigne,  qu'il  y  avoit  le  vray  Dieu  qui  estoit  adore  en  Ierusalem,  que  c'estoit  luy,  auquel  estoit  deue  toute  gloire.  Or  cependant  il  ha  honore  ces  idoles  au  lieu,  et  d'avantage,  il  n'y  ha  nulle  doute,  que  quant  Balsazar  et  toute  sa  compagnie,  ont  este  ainsi  enivres,  qu'ils  ont  voulu  imaginer,  qu'ils  pouvoient  bien  approcher  de  Dieu,  par  le  moien  de  leurs  idoles,  car  d'ont  sont  venues  toutes  les  idolatries  du  monde?  ce  n'est  sinon  une  ivrongnerie,  que  les  hommes  qui  sont  charnels  voudroient  bien  faire  Dieu  semblable  a  eux.  Voila  Dieu  qui  nous  appelle  a  soy,  et  declare  qu'il  ha  sa  maieste  si  haute,  que  nous  n'en  pourrons  approcher:  Et  bien  il  s'abaisse  encores,  et  ha  regard  a  nostre  rudesse,  mais  cependant  si  veut-il  toutesfois  estre  servi  en  pure  conscience,  qu'on  appelle  en  verite,  et  en  esprit.  Or  cependant,  que  faisons-nous?  Nous  sommes  d'une  autre  nature  toute  contraire,  car  nous  voudrons  que  Dieu  s'abaisse  en  telle  sorte,  qu'il  se  transfigure,  voire,  qu'il  se  renonce  soy-mesme,  par  maniere  de  dire,  que  quant  nous  ferons  quelques  belles  mines,  quelque  agios,  nous  voulons  qu'il  prenne  en  payement  tout  cela,  s'il  veut.  D'ont  procede  cela  que  les  hommes  s'amusent  ainsi  a  ces  choses  terrestres?  C'est  d'autant  qu'ils  ne  se  peuvent  adonner  du  tout  a  Dieu,  pour  le  servir  en  esprit  et  verite:  Ainsi  donc  les  idolatries  viennent  de  l'orgueil,  et  de  l'arrogance  des  hom-