32:361  361  PSALMUS  CXXXV.  362  sessio.  Bonitatem  vero  Dei  illustrat  haec  circumstantia,  quod  turmam  ignobilem  validis  regibus  et  gentibus  robustis  praetulit.  Sihon  vero  et  Og  duos  .reges  memorat,  non  quia  fuerint  omnium  potentissimi,  sed  quia  praecluso  terrae  aditu  in  primis  erant  formidabiles  :  praesertim  quum  populus  nondum  ad  bellandum  assuefactus  foret.  Cumulum  vero  beneficentiae  adiungit  propheta,  quod  firmam  terrae  possessionem  adepti  sunt  Israelitae.  Non  minor  est  virtus  quam  quaerere,  parta  tueri,  inquit  ille,  quum  ergo  infestissimis  hostibus  undique  cincti  esent  Israelitae,  in  eo  maxime  enituit  Dei  virtus,  quod  neque  deleti  neque  expulsi  fuerunt,  quod  centies  accidere  poterat,  nisi  in  sua  possessione  fuissent  stabiliti.  13.  Iehova,  nomen  tuum  in  saeculum:  Iehova,  memoria  tui  in  generationem  et  generationem.  14.  Quia  iudicabit  Iehova  populum  suum,  et  super  servis  suis  poenitentia  ducetur  *).  13.  (Iehova.)  Etsi  multae  sunt  rationes  cur  semper  florere  debeat  in  mundo  nomen  Dei  :  hic  tamen  proprie  concionatur  propheta  de  aeterna  laude  quam  ex  ecclesiae  conservatione  meretur  ac  sibi  acquirit:  quia  mox  subiicitur  causae  redditio,  quod  Deus  iudicabit  populum  suum.  Et  certe  sicuti  totus  mundus  theatrum  est  divinae  bonitatis,  sapientiae,  iustitiae,  virtutis:  pars  tamen  illustrior,  instar  orchestrae,  est  ecclesia:  et  quo  propius  ad  nos  accedit  Deus,  suaque  beneficia  familiarius  nobis  communicat,  in  eorum  meditatione  nos  attentius  exerceri  convenit.  Porro  quum  iudicandi  verbum  Hebraeis  omnes  iusti  legitimique  regiminis  partes  in  se  contineat,  futurum  tempus  de  continuo  actu  positum  interpretor,  ut  frequenter  solet:  ac  si  dixisset  propheta,  semper  Deum  praesidem  fore  et  custodem  populi  sui  :  ideoque  in  tuto  esse  piorum  salutem,  quae  Deo  curae  est.  Nisi  forte  consulto  futurum  tempus  notavit  propheta,  ut  discamus  in  afflictionibus  spem  nostram  suspendere:  et  si  quando  videbitur  a  Deo  negligi  ac  deseri,  ne  tamen  exanimemur:  quia  utcunque  opem  suam  ad  tempus  occultet,  postquam  suos  satis  humiliatos  videt,  vindicem  opportune  se  ostendit.  Neque  displicet  hic  sensus,  quia  prophetam  alludere  probabile  est  ad  Mosis  dictum,  Deut.  32,  36  cuius  etiam  verba  recitat.  Nam  dolorem  quem  ex  Dei  flagellis  sensurus  erat  populus  Moses  lenire  volens,  Deum  fore  iudicem  populi  sui  denuntiat,  ut  misere  afflictum  sublevet  ac  tueatur.  Id  nunc  ad  perpetuum  ecclesiae  usum  accommodat  quisquis  fuerit  autor  Psalmi,  Deum  nunquam  passurum  docens  ut  penitus  intereat  ecclesia,  cuius  abolitione  rex  esse  desineret.  Tempus  autem  verbi  *)  Se  repentira,  en  marge:  ou  prendra  consolation.