20:361  361  SERIES  PRIMA  Epistolarum  quae  olim  casu  omissae  fuerunt,  vel  serius  repertae,  vel  de  quarum  natalibus  non  satis  constabat.  4130,  CALVINUS  CONSISTORIO  BERNENSI.  Literae  comrnendatitiae.  Bernenses  adierant  Genevenses  de  professore  Lausannensi  et  pastore  Albonensi  quaerendis.  (Ex  autographo  Cod.  Genev.  106,  fol.  10.  Recentiora  exemplaria  reperies  ibid.  Cod.  145,  fol.  2  v.  Bernae  in  Archiv.  Epp.  Vol.  VL  fol.  5.  15.  23  et  ap.  Simler.  Vol.  71  Herminiard,  T.  IV.  p.  286.)  Gratia  vobis  et  pax  a  Deo  patre  et  Domino  Iesu  Christo.  Praestantissimi  viri.  Quum  literae  vestrae  nobis  redditae  fuerunt  quibus  hominem  vobis  dari  poscebatis  cui  linguae  graecae  professio  Lausannae  demandaretur  neminem  tum  ad  manum  habebamus  quem  putaremus  fore  satis  idoneum,  neque  vero  temere  quempiam  praeficere  animus  erat  qui  muneri  suo  respondere  non  posset.  Ubi  autem  primum  hic  nobis  oblatus  fuit  illuc  eum  destinabamus  donec  renunciatum  nobis  fuit  alterum  iam  suffectum  fuisse.  Postea  literas  a  Senatu  vestro  Farellus  accepit  quibus  iubebatur  fidelem  aliquem  ministrum  Albonensi  ecclesiae  deligere  qui  ad  vos  mitteretur  explorandus  et  confirmandus.  Quoniam  magnopere  referre  intelligimus  ne  Albon  ensis  ecclesia  diutius  pastore  careat,  expedire  censemus,  si  vobis  ita  visum  fuerit,  ut  eo  traducatur  qui  nuper  vestro  decreto  ministro  Viviacensi  adiunctus  fuerat,  ea  lege  ut  simul  eius  oppidi  scholae  praeesset:  si  quid  enim  iudicii  nobis  est,  et  verbi  ministerio  et  illi  loco  erit  aptissimus,  si  quidem  et  doctrina  pollet  et  peritia  et  integritate  et  aliis  fidi  pastoris  dotibus.