7:360  En  quoy  on  voit  qu'il  se  moque  de  l'Escriture  saincte,  comme  un  meschant  Epicurien.1)  Car  il  s'ensuit  tantost  apres  (v.  10),  en  sainct  Paul,  que  le  corps  est  mort  a  cause  de  peche.  Et,  parce  qu'il  dit  qu'il  n'y  a  plus  de  condamnation,  il  entend  que  leurs  pechez  ne  leur  sont  plus  imputez.  Car  malheur  a  celuy  qui  sera  iuge  selon  sa  iustice.  Comme  aussi  sainct  Iaques  ne  peut  faire  une  menasse  plus  terrible  que  ceste  la,  d'estre  iuge  sans  misericorde  (Iaq.  2,  13).  Ie  confesse  bien  que,  si  nous  sommes  enfans  de  Dieu,  le  sainct  Esprit  doit  avoir  la  conduite  en  nous,  pour  nous  conformer  a  la  volonte  [page  224]  de  Dieu,  en  mortifiant  toute  rebellion  de  la  chair;  mais  ce  n'est  pas  a  dire  qu'il  n'y  demeure  tousiours  beaucoup  d'infirmitez  :  en  sorte  que  ceste  sentence  de  sainct  Augustin  est  touiours  vraye  :  La  iustice  que  les  fideles  ont  en  ce  monde,  consiste  tousiours  plus  on  la  remission  des  pechez  qu'en  perfection  de  vertu.  Et  a  cela  ne  contrevient  point  ce  qu'amene  ce  phrenetique:  assavoir,  que  si  iamais  l'homme  ne  pouvoit  estre  delivre  de  peche,  que  sainct  Paul  n'exhorteroit  pas  si  souvent  les  fideles  a  mortifier  le  vieil  homme  (Eph.  4,  22;  Col.  3,  5),  car  il  nous  monstre  le  but  auquel  il  convient  tendre.  Profitons  donc  et  avancons  nous  tant  qu'il  sera  possible,  et  ce  sera  beaucoup  fait,  quand  nous  en  aurons  approche  a  la  fin  de  nostre  vie.  Autrement,  ce  seroit  en  vain  que  nostre  vie  seroit  appellee  course.  Parquoy,  mes  freres,  laissant  les  resveries  de  Satan,  desquelles  il  s'efforce  de  vous  aveugler  par  ce  malheureux,  tenez  vous  a  la  doctrine  de  l'Evangile,  laquelle  nous  enseigne  de  profiter  en  penitence  iusques  a  la  mort.  Il  a  beau  protester  qu'il  ne  veut  point  donner  licence  de  peche:  car  cela  n'est  que  desguiser  le  nom  par  hypocrisie  trop  sotte:  2)  d'autant  que  rien  ne  luy  est  peche,  quand  on  [page  225]  pense  que  Dieu  fait  tout.  Telle  est  aussi  la  couverture  qu'il  prend  de  donner  gloire  a  Dieu.  Il  est  vray  que  c'est  tout  ce  que  nous  devons  cercher,  que  Dieu  soit  glorifie  en  tout  et  par  tout.  Mais  quoy?  Quand  il  enclost  sa  gloire  en  trois  poinctz,  c'est  trop  luy  retrencher  ses  morceaux:  3)  car  il  dit  que  Dieu  n'est  blaspheme,  sinon  quand  nous  presumons  de  nostre  sagesse,  de  nostre  merite  et  de  nostre  franc  arbitre.  De  la  il  s'ensuyvroit  que  le  Pape4)  ne  blaspheme  point  quand  il  usurpe  la  iurisdiction  sur  les  ames  pour  les  condamner  a  sa  poste.o)  Ce  1)  nequissimum  de  grege  Epicuri  porcum.  2)  hoc  ^nim  nihil  aliud  quam  inane  nimisque  ridiculum  simulationis  velum  obtendere.  3)  nimis  audaciter  ipsi  praescribit.  4)  Antichristus  romanus.  5)  pro  libidine.