55:360  tiam,  si  quis  Deum  se  amare  dicat,  et  eiu��  imaginem,  quae  ante  oculos  est,  negligat.  21.  Et  hoc  praeceptum.  Firmius  argumentum,  ab  autoritate  et  doctrina  Christi.  Nam  ipse  non  de  nudo  Dei  amore  praecipit:  sed  fratres  etiam  diligere  iubet.  Quare  sic  incipiendum  est  a  Deo,  ut  simul  fiat  transitus  ad  homines.  CAPUT  V.  1.  Omnis  qui  credit  quod  Iesus  est  Christus,  ex  Deo  genitus  est:  et  omnis  qui  diligit  eum  qui  genuitf  diligit  etiam  eum  qui  genitus  est  ab  eo.  2.  In  hoc  cognoscimus  quod  diligimus  filios  Dei,  si  Deum  diligimus,  et  praecepta  eius  servamus.  3.  Haec  est  dilectio  Dei  ut  praecepta  eius  servemus.  Et  praecepta  eius  gravia  non  sunt.  4.  Quoniam  omne,  quod  ex  Deo  genitum  est,  vincit  mundum.  Et  haec  est  victoria  quae  vincit  mundum,  fides  vestra.  5.  Quis  est  qui  vincit  mundum,  nisi  qui  credit  quod  Iesus  est  filius  Dei?  1.  Omnis  qui  credit.  Alia  ratione  confirmat  res  esse  coniunctas,  fidem  et  fraternum  amorem.  Nam  quum  fide  nos  Deus  regeneret,  necesse  est  amari  a  nobis  ut  patrem:  atqui  amor  ille  complectitur  omnes  eius  filios:  non  potest  igitur  fides  caritate  disiungi.  Prima  sententia  est,  ex  Deo  genitos  esse  quicunque  credunt  quod  Iesus  sit  Christus.  Ubi  iterum  vides,  unum  Christum,  fidei  scopum  proponi:  quemadmodum  in  eo  iustitiam,  vitam,  quidquid  optari  potest  bonorum,  et  totum  Deum  invenit.  Quare  haec  vera  est  credendi  ratio,  quum  in  ipsum  mentes  nostras  dirigimus.  Caeterum  credere  quod  sit  Christus,  est  ab  eo  sperare  quaecunque  de  Messia  promissa  sunt.  Neque  enim  inanis  ei  Christi  titulus  hic  tribuitur:  sed  potius  munus  quod  a  patre  illi  iniunctum  est.  Quemadmodum  autem  in  lege  plena  rerum  omnium  instauratio,  iustitia  et  felicitas  per  Messiam  promissa  est  :  ita  hodie  hoc  totum  in  evangelio  clarius  exprimitur.  Ergo  Iesus  pro  Christo  recipi  non  potest,  quin  ab  eo  petatur  salus,  quando  in  hunc  finem  missus  est  a  patre,  et  quotidie  nobis  offertur.  Unde  merito  apostolus  omnes  ex  Deo  genitos  esse  pronuntiat,  qui  vere  credunt.  Est  enim  fides  longe  supra  humani  ingenii  captum  posita:  ut  nos  trahi  a  patre  coelesti  ad  Christum  oporteat:  quia  nunquam  proprio  marte  quisquam  nostrum  tfonscenderet.  Atque  hoc  est,  quod  idem  apostolus,  evangelii  sui  cap.  1,13,  docet:  non  ex  sanguinibus,  neque  ex  carne  esse  genitos  qui  credunt  in  nomen  unigeniti.  Et  Paulus  (1.  Corin.  2,  12),  non  spiritu  huius  mundi,  sed  spiritu,  qui  ex  Deo  est,  nos  esse  praeditos,  ut  sciamus  quae  ab  eo  nobis  donata  sunt.  Quia  neque  oculus