52:360  non  aliter  potuisse  esse  fructuosam  quam  arcana  spiritus  virtute,  nunquam  in  ea  liberum  arbitrium  stabiliet.  Addit,  quae  est  in  Christo  Iesu,  ob  duas  causas:  ut  doceat  non  aliunde  contingere  quam  a  solo  Christo  :  et  nemini  christiano  eam  defuturam.  Nam  quum  sit  unus  Christus  omnibus  communis,  sequitur  omnes  eius  gratiae  esse  participes,  quae  ideo  in  Christo  esse  dicitur,  quod  ipsam  habere  debeant  quicunque  sunt  Christi.  Blanda  haec  filii  appellatio,  qua  utitur,  non  parum  ad  conciliandam  gratiam  valet,  quo  melius  in  animum  doctrina  penetret.  2.  JEt  quae  a  me  audisti.  Iterum  ostendit  quantum  sit  de  propaganda  ad  posteros  sana  doctrina  sollicitus:  nec  tantum  hortatur  Timotheum  ut  figuram  eius  et  lineamenta  retineat,  quemadmodum  prius  fecit:  sed  etiam  ut  piis  doctoribus  eam  per  manus  tradat,  quo  passim  diffusa  in  multorum  animis  radices  agat.  Videbat  enim  fore  ut  facile  intercideret,  nisi  mature  plurium  ministerio  spargeretur.  Et  sane  videmus  quid  paulo  post  apostolorum  mortem  egerit  Satan.  Perinde  enim  ac  si  aliquot  iam  saeculis  eorum  fuisset  sepulta  praedicatio,  innumera  deliria  invexit,  quae  prodigiosa  absurditate  gentium  omnium  superstitiones  vincerent.  Non  igitur  mirum  est  si  Paulus,  ut  tale  tantumque  malum  praecaveat,  studiose  vult  suam  doctrinam  apud  omnes  pios  ministros  deponi,  qui  ad  eam  tradendam  idonei  sint.  Ac  si  diceret:  Vide  ut  post  mortem  meam  certa  exstet  doctrinae  meae  testificatio.  Id  autem  fiet,  si  quae  a  me  didicisti,  non  ipse  modo  fideliter  doceas,  sed  latius  per  alios  cures  publicanda.  Ergo  quoscunque  videbis  aptos  ad  eam  rem,  illorum  fidei  commendes  hunc  thesaurum.  Fideles  homines  nominat,  non  a  fide  quae  inter  omnes  Christianos  est  communis:  sed  per  excellentiam,  qui  rata  fide  polleant.  Possemus  etiam  fidos  vertere:  quia  pauci  sunt  qui  sincere  creditam  sibi  doctrinam  perpetuae  memoriae  conservare  studeant.  Alios  impellit  ambitio,  eaque  multiplex:  alios  avaritia,  alios  malignitas:  alios  periculorum  metus  tardat.  Singularis  ergo  hic  requiritur  fidelitas.  Per  multos  testes.  Non  significat  testes  a  se  fuisse  adhibitos  solenni  ritu,  Timothei  causa:  sed  quomam  nonnulli  controversiam  movere  poterant,  essetne  a  Paulo  profectum  quod  doceret  Timotheus,  an  ab  ipso  confictum:  omnem  dubitationem  eximit  hac  ratione,  quod  non  clanculum  in  angulo  fuerat  loquutus,  sed  multi  vivebant  qui  possent  testari  nihil  proferre  Timotheum,  quod  non  ex  Pauli  ore  prius  audissent  ipsi  quoque.  Ergo  extra  suspicionem  futura  erat  Timothei  doctrina,  quum  haberet  permultos  condiscipulos  qui  testimonium  illi  possent  reddere.  Hinc  discimus  quantum  laborare  debeat  servus  Christi  pro  conservanda  ac  tuenda  doctrinae  puritate:  neque  solum  quamdiu  vivit,  sed  quam