5:360  DE  ECCLESIA.  Tametsi  unica  est  Chri&ti  ecclesia,  fieri  tamen  non  aliter  posse  agnoscimus,  quin  fidelium  conventus  in  varia  loca  distribuantur,  quorum  singuli  vocantur  ecclesiae.  Et  vero  quum  non  omnes  pariter  coetus  in  nomine  Domini  conveniant,  quin  potius  plerique  ad  ipsum  suis  sacrilegiis  polluendum  coguntur,  certissimam  discernendae  Christi  ecclesiae  notam  et  tesseram  esse  hanc  reputamus:  ut  illic  iudicemus  esse  ecclesiam,  ubi  pure  ac  fideliter  verbum  Domini  adnunciatur,  auditur  et  servatur:  ubi  sacramenta  legitime  administrantur,  utcunque  multum  adhuc  imperfectionum  et  lapsuum  supersit,  ut  vitia  nunquam  in  hac  vita  inter  homines  abstergentur.  Contra,  ubi  evangelium  nec  adnunciari,  nec  audiri,  nec  recipi  videmus,  illic  nullam  agnoscimus  ecclesiae  faciem.  DE  EXCOMMUNICATIONE.  Quoniam  vero  nunquam  desunt  Dei  ac  sacri  eius  verbi  contemptores,  apud  quos  nihil  monendo,  exhortando,  reprehendendo  proficitur:  asperiori  cum  illis  castigatione  agendum  ducimus.  In  hunc  usum  excommunicationis  disciplinam,  rem  sanctam  ac  fidelibus  salubrem  testamur:  ut  revera  non  sine  ratione  a  Domino  instituta  fuit.  Hic  autem  finis  est,  ne  impura  sua  consuetudine,  flagitiosi  bonos  [pag.  60]  inquinent:  ne  dedecori  sint  Deo  et  ecclesiae,  ut  pudore  suffusi  aliquando  resipiscant.  Quapropter  expedire  arbitramur,  ut  secundum  Dei  institutum,  omnes  manifestarii  idololatrae,  sacrilegi,  homicidae,  fures,  scortatores,  falsi  testes,  seditiosi,  rixatores,  obtrectatores,  percussores,  ebriosi,  decoctores,  et  eius  formae  caeteri,  nisi  in  viam  se  receperint,  ubi  legitime  fuerint  admoniti,  e  fidelium  consortio  exterminentur,  donec  resipiscentiae  signa  dederint.  DE  MINISTRIS  VERBI.  Non  alios  reputamus  ecclesiae  pastores,  quam  fidos  verbi  Dei  ministros,  et  qui  Christi  gregem  eo  pascant,  docendo,  admonendo,  consolando,  exhortando,  reprehendendo,  prout  necessitas  postularit.  Rursum,  eodem  verbo,  falsis  doctrinis  omnibus  ac  Satanae  imposturis  strenue  resistant,  nihil  scripturae  puritati  de  sua  admiscentes,  nec  sua  somnia  aut  mendacia  ingerentes.  Nec  aliud  quidpiam  imperii  vel  autoritatis  illis  deferimus,  quam  ut  Dei  populum  sibi  creditum  eodem  verbo  deducant,  regant  et  moderentur.  Cuius  ministerium  dum  exercent,  ius  habent  ac  potestatem  iubendi,  prohibendi,  promittendi  et  minandi:  ut  sine  ipso  nihil  tentare,  neque  aggredi  possunt,  aut  debent.  Porro  ut  fideles  verbi  ministros,  non  secus  atque  ipsius  Dei  nuncios  ac  legatos  suscipimus,  quos  perinde  ac  Deum