49:360  verbo  spirituque  Dei  subiectae  prorsus  fuerint.  Si  autem  se  Christo  opponant,  noxias  esse  pestes:  si  per  se  valere  aliquid  contendant,  pessima  esse  impedimenta  sentiendum  est.  Ergo  Paulo  mundi  sapientia  est,  quae  dominium  sibi  usurpat,  neque  se  Dei  verbo  regi  sustinet,  aut  in  ordinem  cogi,  ut  se  illi  prorsus  subiiciat.  Donec  itaque  eo  ventum  fuerit,  ut  homo  nihil  se  scire  agnoscat  nisi  quod  a  Deo  didicerit,  ut  deiecta  propria  ratione  se  tantum  directioni  Christi  resignet:  mundo  sapit,  Deo  autem  stultus  est.  Scriptum  est  enim:  Deprehendens  sapientes.  Duobus  scripturae  testimoniis  illud  confirmat,  quorum  prius  ex  Iob  5,  13,  sumptum  est,  ubi  Dei  sapientia  inde  amplificatur,  quod  nulla  mundi  sapientia  coram  ipso  consistat.  Certum  est  autem  prophetam  de  vafris  et  astutis  illic  loqui:  sed  quia  talis  est  semper  hominis  sapientia  absque  Deo,  merito  Paulus  ad  hunc  sensum  accommodat,  pro  nihilo  haberi  coram  Deo  quidquid  a  se  ipsis  homines  sapiunt.  Secundum  est  ex  Psal.  94,  l  l  ,  ubi  David  postquam  uni  Deo  asseruit  officium  ac  potestatem  omnes  docendi,  subiungit  eum  cognoscere  omnium  cogitationes  vanas:  quantivis1)  ergo  aestimentur  a  nobis,  Dei  iudicio  sunt  vanae.  Insignis  locus,  ad  humiliandam  carnis  confidentiam,  dum  ex  alto  pronuntiat  Deus  vanitatem  esse  meram  quidquid  concipit  et  agitat  hominis  ingenium.  21.  Proinde  nemo  glorietur  in  hominibus.  Quum  nihil  sit  homine  vanius  quam  parum  tutum  est  in  umbram  evanidam  recumbere.  Bene  ergo  infert  ex  superiore  sententia,  non  esse  in  hominibus  gloriandum,  quum  Dominus  ita  universos  homines  spoliet  gloriandi  materia.  Quamquam  haec  illatio  ex  tota  superiore  doctrina  pendet,  sicut  mox  patebit  Nam  quia  sumus  unius  Christi,  merito  primatum  hominis,  quo  Christi  gloria  minuitur,  sacrilegum  esse  docet.  22.  Omnia  vestra  sunt.  Subiungit  in  quo  loco  et  gradu  collocari  debeant  doctores:  nempe  ne  quid  derogent  unius  Christi  magisterio.  Quia  ergo  unicus  ecclesiae  magister  est  Christus,  quia  solus  absque  exceptione  audiendus  est,  reliquos  diiudicare  oportet.  Quemadmodum  etiam  Christus  ipse  de  se  testatus  est,  Matth.  23,  8,  nec  alius  nobis  cum  hoc  elogio  a  patre  commendatus  est:  Ipsum  audite.  Quum  ergo  solus  ipse  autoritate  praeditus  sit  ad  nos  verbo  suo  regendos:  dicit  Paulus  alios  esse  nostros:  hoc  est,  nobis  destinatos  a  Deo  in  hunc  finem,  ut  illis  utamur,  non  ut  dominationem  in  conscientias  nostras  exerceant.  Ita  et  eos  ostendit  non  esse  inutiles,  et  in  suo  ordine  continet,  ne  adversus  Christum  efferantur.  Quae  de  morte,  vita,  et  reliquis  annectit,  hyperbolica  sunt,  quantum  ad  praesentem  locum.  Verum  tanquam  a  maiori  ad  minus  *)  utcunque