32:360  propheta  quod  non  parum  valet  ad  augendum  miraculum,  fulgura  pluviae  misceri:  quae  res  sunt  prorsus  contrariae.  Nisi  haec  ignis  et  aquae  mistura  usu  cognita  esset,  quis  non  diceret  incredibile  esse  portentum?  Eadem  est  ventorum  ratio,  nam  etsi  ventos  naturaliter  procreari  certum  est,  et  originem  philosophi  demonstrant,  mirabile  tamen  Dei  opus  est  tam  multiplex  ventorum  agitatio.  Caeterum  non  modo  praedicat  Dei  potentiam  qualem  philosophi  concedunt,  sed  intelligit  nullam  pluviae  guttam  e  coelo  decidere  nisi  quam  Deus  certa  dispensatione  stillat.  Fatentur  omnes  Deum  esse  pluviae  autorem,  tonitruum  item  et  ventorum,  quia  hunc  in  natura  ordinem  semel  posuit:  verum  propheta  hic  ultra  progreditur,  quoties  pluit,  non  id  fieri  caeco  naturae  instinctu:  sed  quia  Deus  ita  decrevit,  cuius  est  pro  suo  arbitrio  coelum  ex  sereno  reddere  obnubilum,  et  caligine  discussa  puram  lucem  reddere.  8.  Percussit  primogenita  Aegypti,  ab  homine  usque  ad  bestiam.  9.  Misit  signa  et  prodigia  in  medio  tui  Aegypte,  in  Pharaone  et  in  omnibus  servis  eius.  10.  Percussit  gentes  magnas,  et  occidit  reges  fortes',  l  l  .  Sihon  regem  Amorrhaeorum,.et  Og  regem  Basan,  et  omnia  regna  Chanaan.  12.  Et  dedit  terram  eorum  haereditatem,  haereditatem  Israeli  populo  suo.  8.  (Percussit  primogenita.)  Rursus  de  peculiaribus  Dei  beneficiis  disserit,  quibus  ecclesiam  et  electum  populum  sibi  obligaverat.  Nam  quia  sermonem  dirigit  ad  solos  fideles,  in  Dei  laudibus  hoc  statuit  praecipuum  caput,  quod  ex  toto  humano  genere  exiguum  numerum  adoptaverit.  Deinde  quod  in  eorum  gratiam  magnis  regnis  et  validis  gentibus  se  opposuerit.  Quaecunque  enim  edidit  Deus  miracula  tam  in  Aegypto  quam  in  terra  Chanaan,  totidem  fuerunt  paterni  eius  erga  electum  populum  amoris  testimonia.  Quod  autem  primo  loco  ponit  occisa  Aegypti  primogenita,  non  servat  historiae  ordinem,  sed  memorabile  exemplum  proponit,  unde  appareat  quam  pretiosa  fuerit  Deo  salus  ecclesiae  suae:  cuius  respectu  magno  et  opulento  populo  non  pepercit.  Summa  est,  in  redemptione  populi  satis  superque  testatam  fuisse  Dei  virtutem  simul  cum  gratia.  10.  (Percussit  gentes  magnas.)  Descendit  ad  finem  redemptionis.  Neque  enim  populum  suum  eduxit  Deus  ex  Aegypto,  ut  in  vaga  peregrinatione  statim  desereret,  sed  ut  locaret  in  haereditate  promissa.  Hic  ergo  etiam  conspicuum  fuisse  Dei  favorem  propheta  docet,  ac  infatigabilem  gratiae  perseverantiam:  quod  ubi  semel  manum  porrexit  filiis  Abrahae,  eo  usque  deduxit,  perrexitque  virtutem  suam  exserere,  donec  promissa  terra  fruerentur.  Potentiam  vero  Dei  extollit,  quia  nonnisi  multis  stragibus  tranquilla  contingit  terrae  pos-