9:36  nunc  suscipere  operae  pretium  non  est,  unum  hoc  sumo:  panem  ubi  dixerunt  esse  corpus,  fateri  tamen  simul  coguntur  signum  esse  corporis.  Unde  porro  hoc^se  habere  dicent,  nisi  ex  Christi  verbis?  Ergo  signi  nomen,  [pag.  51]  de  quo  tam  odiose  nobiscum  rixantur,  furtim  eliciunt  ex  eo  loco,  quem  nolunt  nisi  literaliter  intelligi.  Nos  vero,  quod  tam  communis  sensus  quam  pietatis  ratio  1)  extorquet,  dum  figuratum  esse  loquendi  modum  ingenue  concedimus,  non  confugimus  neque  ad  allegorias  neque  ad  parabolas,  sed  axioma  sumimus,  quod  sine  controversia  receptum  est  inter  omnes  pios:  quoties  de  sacramentis  agitur,  rei  signatae  nomen  ad  signum  metonymice  solere  transferri.  Exempla  frequentius  in  scripturis  occurrunt,  quam  ut  negare  audeant  vel  summi  adversarii,  hunc  usum  instar  generalis  regulae  habendum.  Ergo  sicuti  manna  olim  spiritualis  cibus  fuit,  sicut  aqua  erat  Christus,  sicut  spiritus  sanctus  columba,  sicut  baptismus  lavacrum  regenerationis:  sic  et  panis  corpus,  vinum  sanguis  Christi  vocatur.  Si  malunt  synecdochen  quam  metonymiam,  atque  ita  si  de  vocula  tantum  una  dimicant,  ablegandum  erat  hoc  certamen  ad  Grammaticos.  2)  Quid  autem  illic  proficient,  nisi  ut  pueris  quoque  iudicibus  ludibrio  sit  eorum  inscitia?  Caeterum  ut  hoc  omittam:  quisquis  a  logomachia  non  abhorret,  se  nequaquam  Christi  servum  esse  prodit.  Do  re  enim  quum  optime  conveniat,  quid  magis  praeposterum,  quam  scindi  ecclesias,  et  atroces  moveri  tumultus,  quia  alii  panem  vocari  corpus  interpretantur,  quod  sub  ipso  et  cum  ipso  exhibetur:  alii  vero  quia  symbolum  est  non  lusorium  nec  inane,  sed  cui  annexa  sit8)  sua  veritas,  ut  vere  participes  fiant  Christi,  qui  et  ore  signum,  et  fide  promissionem  recipiunt?  Quod  si  illis  statutum  est  nullum  facere  maledicendi  finem,  neminem  qui  a  contentione  [pag.  52]  integer  erit,  tam  iniquum  fore  confido,  qui  non  et  recta  nos  docere,  et  sinceritatem  colere,  et  paci  studere  agnoscat.  Minime  vero  timendum  esse  arbitror,  ne  quis  importunis  istorum  clamoribus,  nisi  eodem  ipse  quoque  furoris  oestro  percitus,  subscribat.4)  1)  conforme  a  la  reigle  de  foy.  2)  s'ils  aiment  mieux  une  autre  figure  ce  combat  se  devoit  plustost  renvoyer  aux  escoles  de  grammaire:  tant  s'en  faut  qu'il  merite  qu'on  en  trouble  toute  la  Chrestiente.  3)  est  Beza  et  Amst.  4)  In  edd.  Bezanis  et  Amsteiodamensi  subiicitur  subscriptio:  Ioannes  Calvinus.