7:36  uno  titulo,  etiam  in  alio  pariter.  Sed  responde  ad  hoc  per  regulam  iuris,  quod  odia  sunt  restringenda.  Vel  da  aliam  solutionem:  quod  primo  loco  Christus  Petro  loquutus  est,  tanquam  futuro  vel  fiendo  papae;  in  secundo  tanquam  privatae  personae.  Argumentantur  praeterea  hoc  modo:  Cur  Petrus  contulerit  haereditatem  primatus  Romanae  sedi,  potius  quam  Antiochenae,  quum  in  utraque  fuerit  episcopus.  Responde  ad  hoc:  quod  locus  acquirit  dignitatem  ex  morte  hominis:  praesertim  quum  sanguis  martyrum,  qui  pretiosus  est  in  conspectu  Domini,  ibi  funditur:  secundum  antiphonam  quae  canitur  in  eius  festo.!)  Opponunt  etiam  aliud:  cur  non  simili  ratione  Iacobus  et  Ioannes  acquisiverunt  suis  ecclesiis,  in  quibus  praesidebant,  secundum  et  tertium  gradum  primatus,  vel  dignitatis,  quemadmodum  Petrus  acquisivit  primum  Romae,  quum  Paulus  dicat  illos  tres  fuisse  habitos  tanquam  columnas?  Ad  hoc  responde:  quod  si  alii  non  fuerunt  satis  zelosi,  vel  magnanimi  in  manutenendo  suo  iure,  non  sequitur  tamen  quod  hoc  Romae  praeiudicare  debuerit.  Ergo  Hierosolyma  et  Ephesus  merito  propter  negligentiam,  vel  stultum  pudorem,  retro  fuerunt  pulsae.  Roma  autem,  quae  firmiter  zelavit  pro  honore  suo,  debuit  manere  prima.2)  Habent  etiam  derisiones:  quod  si  Roma  debet  esse  prima  sedes,  quia  ibi  praefuit  et  mortuus  est  Petrus,  pari  colore  desertum  debuisset  esse  prima  sedes  in  populo  veteri,  quia  ibi  Moses  princeps  prophetarum  praedicaverat  et  erat  mortuus.  Item:  quod  etiam  Aaron,  primus  summus  sacerdos,  ibi  exercuerat  suum  officium  usque  ad  mortem.  Imo  dicunt,  quod  potius  Hierosolyma  deberet  praecedere  Romam  et  omnes  alias,  quia  Dominus  noster  ibi  functus  est  episcopatu  suo  et  ibi  est  mortuus.  Sed  responde,  quod  ad  vetus  testamentum:  successionem  sacerdotii  fuisse  personalem,  nunc  vero  esse  realem,  et  ita  deberi  loco.  De  Christo  ita  solve:  quod  ipse  noluit  fundare  primatum  in  sua  persona,  sicut  ipse  dicit:  Non  veni  ministrari,  sea  ministrare  (Matth.  20,  28).  Sed  post  omnia  etiam  obiiciunt:  quod  etiam  si  fuisset  primatus  Romae,  hoc  non  debuit  durare,  nisi  quamdiu  ibi  maneret  ecclesia,  et  quamdiu  papa  esset  episcopus.  Nunc  autem  negant  ibi  esse  ecclesiam,  propterea  quod  sit  confusio  maxima:  et  negant  papam  esse  episcopum,  quia  nihil  faciat  episcopale.  Sed  dic  hanc  obiectionem  non  esse  admittendam,  quia  sit  impossibilis:  propterea  quod  scriptum  est:  Oravi  pro  te,  Petre,  ne  deficeret  fides  tua3)  (Luc.  22,  32).  1)  Additur:  que  Rome  a  este  bien-heureuse  de  ce  qu'elle  a  este  arrousee  de  son  sang.  2)  comme  de  faict  elle  est  et  sera  en  despit  des  heretiques.  3)  Hic  versio  gallica  longius  habet  additamentum:  Car  c'est  l'un  de  nos  bons  boucliers  que  cestuy-la.  Pour  le  se-