58:36  declare  qu'ils  sont  enfans  bastards,  fils  de  putain,  et  qui  sont  sortis  d'un  bordeau,  et  qu'ils  ne  lui  appartiennent  de  rien,  et  que  c'est  en  vain  qu'ils  se  glorifient  de  son  Nom.  Comment  cela  se  pourra  il  accorder?  Or  notons  que  Dieu  a  mis  devant  les  yeux  dlsaac  et  de  Rebecca  un  tel  spectacle,  pour  monstrer  quelle  seroit  la  condition  de  l'Eglise:  Car  Dieu  en  somme,  leur  a  testifie  que  l'Eglise  viendroit  de  Iacob:  non  pas  que  tous  ceux  qu'il  engendreroit  selon  la  chair,  deussent  estre  de  l'Eglise:  mais  c'est  assez  qu'il  soit  demeure,  et  que  Dieu  l'ait  retenu  a  soy:  et  qu'Esau  ait  este  dechasse  comme  nous  le  verrons  avec  le  temps.  Ceci  sera  mieux  entendu  par  l'exposition  que  saint  Paul  donne:  il  prend  ceste  sentence  la,  Tous  ceux  qui  sont  de  Iacob  selon  la  chair,  ne  sont  pas  toutesfois  vrais  Israelites,  c'est  a  dire  du  peuple  de  Dieu:  car  il  a  eu  deux  noms,  comme  nous  verrons  ci  apres,  Iacob,  et  Israel.  Et  qu'ainsi  soit,  avant  que  ces  enfans  fussent  nais,  voila  Dieu  qui  coupe  l'un  d'avec  l'autre,  et  monstre  que  ce  n'est  point  un  corps,  et  qu'ils  ne  sont  point  unis  ensemble:  mais  que  l'un  est  reserve,  et  que  l'autre  est  dechasse.  Saint  Paul  donc  a  bien  entendu,  que  ceux  qui  devoient  naistre  de  Iacob,  n'estoient  pas  tous  esleuz  de  Dieu:  car  il  nous  renvoie  au  commencement,  et  dit  que  l'un  est  separe  de  l'autre  par  le  conseil  secret  de  Dieu,  et  duquel  nous  ne  pouvons  pas  comprendre  ni  expliquer  la  raison:  d'autant  (comme  i'ay  desia  dit)  qu'il  retient  sa  liberte,  tellement  qu'il  suffit  bien  que  de  sa  lignee  P  eglise  soit  engendree,  combien  que  tous  n'y  appartiennent  pas.  Nous  avons  declare  par  ci  devant,  qu'il  y  a  eu  double  grace  en  la  lignee  d'  Abraham  :  l'une  a  este,  qu'en  general  Dieu  a  declare  qu'il  leur  vouloit  estre  Pere.  Aussi  la  circoncision  a  este  commune  a  tous.  Or  la  circoncision  n'estoit  pas  vaine:  mais  elle  a  emporte  tesmoignage  de  la  remission  des  pechez,  et  de  la  iustice  que  doivent  obtenir  tous  fideles  par  nostre  Seigneur  Iesus  Christ.  Voila  Ismael  qui  est  circonci:  quant  est  du  coste  de  Dieu,  il  a  receu  un  sacrement  qui  le  pouvoit  asseurer  que  Dieu  le  tenoit  du  nombre  de  ses  enfans,  qu'il  estoit  membre  de  Iesus  Christ,  que  la  malediction  qu'il  avoit  tiree  d'Adam  estoit  abolie.  Voire-mais  si  est-ce  que  cela  ne  lui  a  de  rien  servi.  Autant  en  a-il  este  dit  d  Esau,  et  de  tous  leurs  semblables  :  mais  quoy  qu'il  en  soit,  nous  ne  devons  pas  mespriser  le  bien  qu'il  avoit  fait  envers  toute  la  lignee  d'Abraham.  Comme  auiourd'hui,  quand  nous  parlerons  du  bien  inestimable  que  Dieu  nous  a  fait  quand  son  Evangile  a  este  presche:  cela  se  dira  a  tous  indifferemment.  On  dira,  que  Dieu  a  use  d'une  misericorde  tressinguliere  envers  nous,  d'autant  qu'il  nous  a  esclaire  par  sa  Parole,  pour  cognoistre  le  chemin  de  salut.  Cependant  nous  voions  les  autres  qui  errent  en  tenebres  et  en  confusion,  comme  si  Dieu  les  avoit  oubliez,  et  aban-