54:36  selon  qu'on  en  peut  iuger:  mais  il  faut  bien  que  Dieu  besongne  quand  ils  sont  eleus,  et  qu'il  leur  donne  grace  de  nouveau:  autrement  ils  se  trouveroyent  trop  foibles:  car  ce  n'est  pas  peu  de  chose  de  representer  la  personne  de  Dieu  en  ce  monde,  et  tenir  son  siege,  afin  de  rendre  droit  a  chacun.  Il  y  a  aussi  de  telles  choses  requises,  qu'il  n'y  aura  creature  mortelle  qui  y  puisse  fournir.  Il  faut  donc  que  Dieu  y  besongne  de  sa  main  propre.  Et  pourtant  apprenons  de  nous  exercer  en  cest  usage  que  sainct  Paul  note  ici,  c'est  ascavoir  quand  on  elit  des  pasteurs  qui  soyent  specialement  deputez  pour  anoncer  l'Evangile,  qu'on  face  prieres  pour  l'edification  commune  de  tous.  Quand  on  elit  des  Magistrats,  qu'on  demande  aussi  a  Dieu  qu'il  luy  plaise  de  les  remplir  tellement  de  sa  grace,  qu'ils  puissent  fidelement  exercer  leur  charge  pour  en  rendre  conte  quand  ils  viendront  devant  le  grand  iuge.  Voila  en  somme  ce  que  nous  avons  a  retenir  de  ce  passage.  Or  apres  que  sainct  Paul  a  use  de  ce  propos,  il  adiouste,  Que  le  Seigneur  nJa  point  donne  un  esprit  craintif  a  ceux  qui  doyvent  prescher  l'Evangile^  mais  un  esprit  de  vertu,  avec  dilection  et  sobriete.  En  quoy  il  signifie  que  pour  approuver  que  nous  sommes  vrais  serviteurs  de  Dieu,  il  ne  faut  point  que  nous  y  aillions  a  main  morte,  (comme  on  dit),  mais  que  nous  monstrions  que  le  zele  de  Dieu  nous  brusle  la  dedans,  et  qu'il  nous  pousse,  et  que  nous  avons  un  esprit,  non  point  de  timidite,  mais  de  vertu.  En  l'Epistre  aux  Romains  sainct  Paul  fai^  sant  comparaison  des  Peres  qui  ont  vescu  sous  la  Loy,  avec  les  Chrestiens,  dit  que  sous  la  Loy  il  y  a  eu  une  servitude  qu'on  n'osoit  pas  invoquer  Dieu  si  franchement.  Comme  aussi  nous  voyons  que  la  Loy  a  rendu  les  hommes  espovantez,  qu'ils  ne  scavoyent  que  devenir:  et  non  sans  cause.  Car  la  Dieu  n'avoit  point  encores  desploye  sa  grace,  comme  auiourd'huy  elle  se  monstre  en  l'Evanpile:  mais  depuis  que  Iesus  Christ  nous  est  apparu,  Dieu  nous  a  tellement  ratifie  son  adoption,  qu'a  pleine  bouche  nous  pouvons  crier,  voire  afin  que  l'ayans  pour  Pere,  il  nous  recoyve  pour  ses  enfans.  Voila  donc  qui  appartient  a  tous  fideles  en  general.  Mais  ici  sainct  Paul  ne  parle  que  des  ministres  de  la  parole  de  Dieu.  Car  il  dit  que  s'ils  veulent  monstrer  qu'ils  soyent  vrayement  appelez  de  Dieu,  il  faut  qu'ils  soyent  robustes,  qu'ils  ayent  une  constance  invicible,  qu'ils  ne  flechissent  point:  quoy  qu'il  en  soit,  qu'ils  ne  soyent  point  comme  des  roseaux  branslans,  qu'ils  ne  soyent  point  pour  complaire  au  monde,  qu'on  ne  les  trouve  point  variables,  et  qu'ils  n'ayent  point  la  bouche  close  quand  il  faudra  parler,  mais  qu'ils  ayent  ceste  vivacite  en  eux  pour  se  monstrer  hommes  au  besoin.  Et  quand  ils  verront  les  meschans  s'elever  contre  Dieu,  qu'ils  leur