53:36  de  Dieu,  dit  qu'il  ne  faut  point  que  nous  ayons  comme  un  miroir,  ainsi  qu'un  homme  s'ira  regarder  et  puis  ayant  le  dos  tourne  il  ne  8e  voit  plus:  il  ne  faut  point  (dit  sainct  Iaques)  que  nous  ayons  une  telle  cognoissance  qui  s'esvanouisse,  qui  n'ait  point  de  constance  en  soy,  ne  de  fermete.  Car  voila,  en  un  miroir  il  y  aura  bien  une  figure,  mais  cela  n'est  rien  qu'une  representation.  Quoy  donc?  Ayons  ce  miroir  dont  parle  sainct  Paul:  c'est  qu'en  contemplant  la  face  de  nostre  Dieu,  nous  soyons  transfigurez  en  icelle,  que  nous  soyons  conformez  a  luy.  Et  pource  que  cela  ne  se  peut  faire  d'un  iour,  il  faut  que  nous  y  croissions:  et  c'est  pourquoy  il  dit,  de  gloire  en  gloire.  Que  si  au  commencement  nous  ne  pouvons  estre  pleinement  conformez  a  la  semblance  de  nostre  Dieu,  pour  le  moins  tendons  la,  et  que  nous  y  soyons  conformez  de  plus  en  plus  tout  le  temps  de  nostre  vie.  Et  ainsi  nous  voyons  comme  la  foy  apporte  avec  soy  une  bonne  conscience,  pure,  et  un  coeur  droit.  Car  avec  la  bonne  conscience,  le  coeur  pur  sera  quant  et  quant:  ce  sont  choses  inseparables.  Mais  ce  n'est  point  sans  cause  que  sainct  Paul  a  mis  ces  deux  mots,  encores  qu'il  n'y  ait  pas  grande  diversite  de  l'un  a  l'autre.  Car  nous  voyons  comme  les  hommes  ne  sont  point  attirez  a  droiture  et  simplicite  que  par  force:  cela  est  tant  contraire  a  leur  nature,  qu'il  faut  bien  qu'ils  se  captivent,  et  qu'ils  facent  violence  a  toutes  leurs  affections,  devant  qu'estre  rangez  a  une  pure  simplicite:  attendu  la  hautesse  de  coeur,  et  l'outrecuidance  qui  est  en  eux.  Yoila  pourquoy  S.  Paul  a  use  de  ces  deux  mots  pour  signifier  une  mesme  chose.  Et  ce  sera  assez  que  ceci  nous  soit  exprime  pour  venir  au  devant  de  toutes  les  hypocrisies  desquelles  nous  sommes  tant  enveloppez  que  c'est  pitie.  Or  comme  sainct  Paul  nous  a  yci  declare  que  c'est  de  la  foy,  aussi  nous  voyons  a  quelle  condamnation  ceste  doctrine  peut  tourner  a  tous  ceux  qui  se  vantent  d'estre  fideles,  et  ne  tienent  rien  de  Dieu,  ne  de  sa  verite,  ou  pour  le  moins  qui  ne  l'ont  point  receue  a  bon  escient  et  avec  un  droit  zele,  mais  seulement  par  ie  ne  scay  quelle  curiosite.  Et  a  qui  est-ce  que  cela  s'adresse?  Helas!  c'est  une  condition  quasi  generale  auiourd'huy.  Il  est  vray  qu'on  en  trouvera  beaucoup  qui  applaudiront  a  l'Evangile:  s'il  ne  tient  qu'a  baisser  les  aureilles,  Christ  aura  beaucoup  d'escoliers,  pour  le  moins  il  en  aura  quelque  nombre:  mais  les  asnes  seront  tenus  aussi  sages  que  nous,  s'il  ne  faut  que  baisser  l'aureille.  Ah  Christ  ne  se  contente  pas  de  cela:  car  il  veut  que  nous  approuvions  par  nostre  vie  que  nous  avons  receu  sa  parole  et  qu'elle  habite  en  nos  ames:  sans  cela  nous  aurons  beau  protester  que  nous  voulons  adherer  a  la  pure  verite:  mais  nostre  vie  nous  dementira:  et  faudra  que  ce  qui  est  dit  en  un  autre  passage,  soit  accompli,  35