48:36  nis  secundum  carnem  nos  exercet.  Ita  fit,  ut  nostram  felicitatem  extra  mundum  quaeramus.  Miserias  etiam  cumulat  hominum  ingratitudo.  Servus  enim  qui  voluntatem  domini  sui  tenet,  nec  obsequitur,  dignus  est  gravioribus  plagis.  Quo  familiarius  nobiscum  Deus  in  Christo  communicat,  magis  crescit  nostra  impietas  et  in  apertam  contumaciam  erumpit:  ita  nihil  mirum,  si  Christo  manifestato  multa  ultionis  divinae  signa  ex  adverso  appareant,  quum  homines  impio  contemptu  hinc  gravius  in  se  provocent  Deum,  iramque  eius  inflamment.  Certe  quod  formidabilis  est  Christi  dies,  accidentale  est,  sive  nostram  segnitiem  corrigere  velit  Deus,  nos  adhuc  indociles  subigere:  sive  ingratitudinem  punire.  Per  se  enim  nihil  affert  nisi  iucundum.  Sed  Deum  merito  provocat  gratiae  suae  contemptus  ad  horribilem  excandescentiam.  21.  Quisquis  invocaverit.  Insignis  locus.  Nam  sicuti  Deus  minis  ac  terroribus  nos  tanquam  ignavos  asinos  ad  quaerendam  salutem  instigat  :  ita,  postquam  coelum  et  terram  tenebris  involvit,  modum  tamen  ostendit,  quo  salus  ante  oculos  nostros  affulgeat:  nempe  si  ipsum  invocabimus.  Est  enim  diligenter  notanda  haec  circumstantia.  Si  Deus  salutem  simpliciter  promitteret,  hoc  iam  quidem  esset  magnum:  sed  longe  maius  est,  dum  inter  multiplices  mortis  abyssos  eam  promittit.  Dum  omnia,  inquit,  confusa  fuerint,  et  exitii  formido  omnia  occupaverit,  tantum  invocate  me,  et  salvi  eritis.  Ergo,  utcunque  malorum  gurgite  absorptus  sit  homo,  proponitur  illi  tamen  remedium  quo  effugiat.  Notanda  etiam  universalis  particula  quicunque.  Nam  sine  exceptione  omnes  Deus  ad  se  admittit,  et  hoc  modo  ad  salutem  invitat:  quemadmodum  Paulus  colligit  decimo  ad  Rom.  capite  (v.  20).  M  ante  a  propheta  traditum  fuerat:  Tu  Deus  exaudiens  precationem,  ad  te  omnis  caro  veniet.  Quando  itaque  nemo  excluditur  ab  invocatione  Dei,  omnibus  aperta  est  salutis  ianua.  Nec  aliud  est  quod  nos  ab  ingressu  arceat  quam  propria  infidelitas.  Omnes  dico,  quibus  se  per  evangelium  Deus  patefacit.  Verum,  sicuti  in  Dei  invocatione  certa  est  salus:  ita  statuendum  est,  6ine  ipsa  ter  miseros  esse  nos  ac  perditos.  Caeterum,  quum  salus  nostra  locatur  in  Dei  invocatione,  nihil  interea  adimitur  fidei,  quando  haec  invocatio  non  nisi  in  fide  fundata  est.  Est  alia  quoque  circumstantia  non  minus  notatu  digna:  quod  propheta  ultimis  diebus  proprie  congruere  significat  Dei  invocationem.  Nam  etsi  omnibus  saeculis  invocari  voluit,  ex  quo  tamen  in  Christo  se  exhibuit  patrem,  facilius  nobis  ad  eum  accessus  patet.  Quod  et  maiorem  nobis  fiduciam  addere,  et  torporem  excutere  debet.  Ut  etiam  ratiocinatur  ipse,  hoc  privilegio  alacritatem  ad  precandum  nobis  duplicari:  Hactenus  non  petiistis  quidquam  in  nomine  meo:  petite  et  impetrabitis:  quasi  diceret:  Antehac  quamvis