44:36  Ideo  comprehendit  omnes  sub  nomine  Cnaan.  Neque  enim  recipio  quod  alii  appellative  vertunt  mercatores,  quia  potius  intelligit  propheta,  quocunque  nomine  vocentur,  censeri  tamen  omnes  Cananaeos,  qui  pridem  internecioni  devoti  fuerant.  Quoniam  ergo  regiones  illae  hostiliter  oppugnaverant  Iudaeos,  propheta  significat  Deum  fore  vindicem  electi  populi.  Sermo  Iehovae  contra  vos,  hoc  est,  Deus  qui  hactenus  minatus  est  populo  suo,  iam  vos  ad  iudicium  citat:  ne  putetis  vobis  impune  cessurum  quod  molestiam  exhibuistis  ecclesiae  ipsius.  Quamvis  enim  Deus  probare  vellet  populi  sui  patientiam,  non  tamen  excusabiles  fuerunt  vel  Moabitae,  vel  reliqui,  quum  caeco  impetu  ruerent  contra  Iudaeos:  imo  in  eorum  persona  putarent  se  bellum  gerere  cum  Deo  ipso  opifice  coeli  et  terrae.  Postea  adiungit,  nullum  fore  habitatorem,  quia  Deus  regiones  illas  omnes  perdet.  Nunc  videmus  non  alio  spectare  prophetae  consilium,  nisi  ut  doloris  sui  acerbitatem  hoc  solatio  mitigent  fideles,  quod  temporales  sint  ipsorum  miseriae:  Deus  autem  paulo  post  vindex  futurus  sit  hostium  suorum.  Sequitur:  6.  M  erit  funiculus  maris  (id  est  regio:  sed  metaphorice  Hebraei  vocant  regionem  funiculum,  propter  distributionem)  habitaculum  mulis  pastorum,  et  septa  ovium.  7.  Et  erit  regio  reliquiis  domus  Iehudah:  apud  eos  pascentur  in  domibus  Ascalon,  vesperi  accubabunt:  quia  visitabit  Iehova  Deus  ipsorum  ipsos,  et  reducet  captivitatem  eorum.  Propheta  confirmat  quod  prius  dixit  de  futura  Dei  vindicta,  quae  iam  instabat  contra  Moabitas  et  alias  vicinas  gentes  quae  non  desierant  persequi  miseros  Iudaeos.  Dicit  ergo  totam  illam  regionem  fore  hospitium  ovibus.  Haec  similitudo  satis  nota  est,  quod  ubi  regio  aliqua  vacua  est  habitatoribus,  illam  occupant  pastores:  quia  illic  neque  seritur  neque  metitur:  crescunt  illic  herbae.  Ergo  ubi  nulla  est  cultura,  ubi  nulla  est  frequentia  hominum,  illic  reperiunt  pastores  locum  suis  gregibus,  ibi  aedificant  caulas.  Perinde  igitur  est  ac  si  diceret  propheta  regionem  fore  vastam,  sicuti  vidimus  proximo  versu.  Postea  adiungit  paulo  diversa  ratione  fore  tractum  maris  habitaculum  domui  Iehudah.  Est  autem  concinna  inflexio  a  gregibus  pastorum  ad  tribum  Iehudah,  quae  erat  quasi  grex  electus  Dei.  Postquam  ergo  dixit  propheta  regionem  illam  fore  vastam  et  desertam,  tandem  adiungit  hoc  fore  in  commodum  electi  populi:  quoniam  Dominus  illic  dabit  Iudaeis  ubi  tuto  et  secure  quiescant.  Caeterum  restringit  hoc  propheta  ad  reliquias,  quia  maior  pars,  ut  iam  vidimus,  ita  erat  desperata,  ut  oportuerit  praecludi  omnem  ianuam  misericordiae.  Sed  propheta  reliquias  nominans,  ostendit  semper  fore  aliquod  semen  unde  excitabit  Deus  novam  ecclesiam:  et  simul  36