40:36  8.  Et  manus  hominis  sub  alis  (de  sub  alis)  super  quatuor  latera  (vel  angulos),  et  facies  et  alae  ipsis  quatuor.  Iam  propheta  etiam  dicit  manus  fuisse  sub  alis.  Scimus  quoniam  manus  sunt  praecipua  instrumenta  agendi,  hac  voce  notari  saepe  omnes  actiones:  unde  purae  manus,  et  immundae,  significant  opera  hominum  vel  polluta  vel  munda.  Quod  autem  dicat  propheta  fuisse  animalia  haec  praedita  manibus,  significat  fuisse  apta  ad  exsequendum  munus  sibi  iniunctum.  Qui  enim  manibus  caret,  inutilis  iacet,  nec  potest  opus  ullum  suscipere.  Ergo  ut  propheta  vigorem  angelicum  exprimat,  dicit  manus  fuisse  in  ipsis  animalibus.  Hoc  etiam  refertur  ^d  humanam  figuram:  sed  manus  aliquid  proprium  designant,  nempe  quod  fuerit  agilitas  in  ipsis  animalibus,  ut  possent  exsequi  quidquid  mandabat  Deus.  Dicit  autem  fuisse  sub  ipsis  alis:  quibus  verbis  significat  angelos  non  habere  motum  ullum  a  se  ipsis:  deinde  non  ferri  quocunque  visum  est,  sed  agitari  divinitus:  denique  temperari  omnes  eorum  actiones  ipsius  Dei  arbitrio.  Nam  haud  dubie  per  alas  tam  hoc  loco,  quam  similibus  intelligere  oportet  aliquid  plus  quam  humanum.  Quum  igitur  alae  quibus  vestita  fuerunt  animalia,  nihil  aliud  significent,  quam  arcanum  Dei  instinctum,  sequitur  manus  sub  alis  absconditas  non  aliud  notare  quam  angelos  non  moveri  intrinseca  sua  virtute,  ut  loquuntur,  sed  aliunde  impelli,  nempe  ipsius  Dei  virtute:  deinde  non  ferri  temere  huc  et  illuc,  sed  Deum  moderari  omnes  eorum  actiones,  flectere,  ac  dirigere  quocunque  visum  fuerit.  Haec  ratio  est  igitur  cur  dicat  propheta  se  vidisse  manus  in  animalibus:  deinde  manus  illas  fuisse  sub  alis.  Repetit  secundo  fuisse  facies  et  alas  ipsis  quatuor.  Quod  autem  dicit  in  angulis,  hoc  etiam  notatu  dignum  est:  quia  perinde  est  ac  si  diceret  animalia  habuisse  virtutem  agendi,  quae  ad  omnes  partes  spectaret,  non  quod  quaternae  fuerint  manus.  Quanquam  primo  intuitu  videtur  hoc  notare  quum  dicit  in  quadrangulis,  vel  in  singulis  angulis:  sed  intelligit  duntaxat  manus  sic  apparuisse  in  animalibus,  ut  essent  manus  praesto  ad  agendum  quocunque  Deus  vellet  animalia  illa  impellere.  Nunc  sequitur,  9.  Sociatae  erant  quaeque  ad  aliam  alarum  (hoc  est,  alae  sociatae  erant  quaeque  ad  alteram  alarum)  ipsorum  (animalium)  :  non  revertebantur  in  gradiendo  (hoc  est,  quum  incederent  non  revertebantur,  ipw)  vir  (vel  quisque,  id  est  unumquodque  animal)  versus  faciem  suam  ex  opposito  (vel  e  regione  faciei  suae,  ad  verbum)  incedebant.  Dicit  iam  alas  fuisse  coniunctas,  quod  paulo  post  clarius  exponet.  Dicet  enim  alas  sursum  fuisse