34:36  avons  touche)  encores  que  ceste  doctrine  lui  soit  cognue,  si  est-ce  que  sa  passion  est  si  vehemente,  qu'il  s'oublie.  Et  par  cela  nous  sommes  admonnestez  de  cognoistre  tellement  ce  que  nous  lisons  en  l'Escriture  saincte,  que  nous  sachions  brider  nos  passions  quand  nous  serons  tentez  ou  d'impatience,  ou  d'autre  vice:  et  que  ce  que  nous  aurons  cognu  de  la  parole  de  Dieu  nous  soit  suffisant  pour  nous  retirer  de  ce  trouble  qui  s'esleve  ainsi  contre  nous.  Voila  S.  Paul  qui  dit  (2.  Cor.  10,  5),  que  la  vertu  de  l'Evangile  est  de  captiver  tout  ce  qui  s'esleve  a  l'encontre  de  Dieu.  Voila  nos  sens,  voila  nos  affections  charnelles  qui  s'eslevent  contre  Dieu,  et  lui  font  la  guerre.  Que  faut-il?  Il  faut  que  cela  soit  tenu  captif,  c'est  a  dire,  que  par  force  nous  dontions  ce  que  nous  troxivons  en  nous  et  en  nostre  nature  estre  contraire  a  Dieu,  et  a  sa  doctrine.  Voila  donc  une  vraye  constance  en  laquelle  il  nous  faut  continuer.  Quand  donc  il  sera  question  de  disputer  de  ceci  ou  de  cela  :  mesmes  quand  nous  serons  venus  aux  combats,  que  nous  demeurions  la.  humiliez  comme  povres  brebis  :  que  nous  venions  tousiours  a  ceste  conclusion,  Or  Dieu  est  mon  Iuge,  et  il  n'y  a  que  redire  en  lui:  encores  que  i'auroye  licence  de  plaider,  si  est-ce  que  ma  cause  est  perdue,  car  ie  ne  lui  pourrai  point  amener  un  mot  qu'il  n'en  ait  mille  a  l'encontre.  Voila  donc  comme  nous  avons  a  glorifier  Dieu  sans  contester  contre  lui,  encores  qu'il  nous  fust  licite  d'entrer  en  procez.  Et  voila  pourquoy  aussi  nostre  Seigneur  quelquesfois  pour  rendre  les  hommes  plus  convaincus,  leur  dit,  Or  ca  plaidons  :  comme  il  le  fait  par  son  Prophete  Isaie  sur  tout  (Isaie  1,  18).  Or  ie  veux  entrer  en  plaidoyer  (dit-il)  que  nous  ayons  un  iuge>  ou  arbitre,  et  qu'on  cognoisse  qui  a  tort,  ou  droit  :  dequoy  est-ce  que  vous  me  pouvez  accuser?  Quel  mal  vous  ai-ie  fait?  Et  au  contraire  ie  vous  accuse  en  tel  poinct  et  en  tel.  Or  il  est  certain  qu'il  n'y  a  point  de  iuge  entre  Dieu  et  nous.  Et  pourquoy  est-ce  qu'il  use  de  ceste  facon  de  parler?  Il  se  demet  de  sa  maieste  et  hautesse,  et  monstre  que  quand  il  seroit  une  creature,  et  qu'il  y  auroit  quelque  moyenneur,  que  lui  fust  la  pour  recevoir  sentence  d'autruy,  encores  ne  pourroit-on  iamais  venir  a  bout  de  ce  qu'il  mettra  en  avant.  Nous  voyons  donc  comme  Dieu  use  de  ceste  forme  de  parler^  comme  s'il  estoit  homme  mortel,  ou  qu'il  eust  vestu  nostre  personne:  afin  de  nous  declarer  que  nous  ne  serons  pas  affligez  de  lui  par  tyrannie,  qu'il  n'y  va  point  d'une  puissance  absolue:  comme  ces  theologiens  de  la  Papaute  ont  imagine  ceste  doctrine  diabolique.  Dieu  donc  n'usera  point  ici  d'une  puissance  absolue,  c'est  a  dire,  desreg;lee,  qu'ils  appellent,  et  qui  soit  separee  de  sa  iustice:  mais  il  usera  de  toute  droiture,  tellement  qu'il  faut