3:36  nostre  confession,  laquelle  nous  voulons  estre  pour  defense  envers  vostre  Maiesté.  Mais  si  au  contraire,  les  detractions  des  malveuillans  empeschent  tellement  voz  oreilles,  que  les  accusez  n'ayent  aucun  lieu  de  se  defendre:  d'autre  part,  si  ces  impetueuses  furies,  sans  que  vous  y  mettiez  ordre,  exercent  tousiours  cruauté  par  prisons,  fouets,  gehennes,  coppures,  bruslures:  nous  certes,  comme  brebis  devouées  à  la  boucherie,  serons  iettez  en  toute  extremité:  tellement  neantmoins  qu'en  nostre  patience  nous  possederons  noz  ames,  et  attendrons  la  main  forte  du  Seigneur:  laquelle  sans  doute  se  monstrera  en  sa  saison,  et  apparoistra  armée,  tant  pour  delivrer  les  povres  de  leur  affliction,  que  pour  punir  les  contempteurs  qui  s'esgayent  si  hardiment  à  ceste  heure.1)  Le  Seigneur,  Roy  des  Roys,  vueille  establir  vostre  Throne  en  iustice,  et  vostre  Siege  en  equité.2)  De  Basle,  le  premier  iour3)  d'Aoust,  mil  cinq  cens  trente  cinq.