29:36  fissent  fuir  dix  mille,  sinon  que  le  Seigneur  les  eust  enclos^  et  que  leur  Fort  les  eust  tenu  captifs?  Ici  il  monstre  par  effect  comme  Dieu  a  suffisamment  adverti  son  peuple  s'il  eust  eu  une  goutte  de  raison  en  soy.  Et  de  la  il  faut  conclure  qu'il  n'y  a  plus  d'excuse  d'ignorance:  mais  que  le  peuple  est  conveincu  tant  et  plus  de  s'estre  endurci  par  certaine  malice,  et  d'avoir  resiste  a  Dieu,  et  l'avoir  empesche  qu'il  ne  fust  ramene  au  bon  chemin.  Voila  l'intention  de  Moyse.  Or  notons  que  quand  Dieu  a  voulu  declarer  sa  faveur  envers  le  peuple  d'Israel,  que  ce  qu'il  avoit  promis  a  este  accompli:  c'est  que  le  peuple  ne  faisoit  que  se  remuer  par  maniere  de  dire,  et  ses  ennemis  estoyent  veincus.  Nous  savons  les  desconfitures  qui  ont  este  faites,  nous  savons  comme  cela  est  advenu  :  car  mesmes  nous  oyons  ce  qui  est  dit  au  Prophete  Isaie,  que  quand  Dieu  voudra  secourir  son  peuple,  et  qu'il  desployera  sa  vertu  pour  le  garentir,  que  ce  sera  comme  en  la  iournee  de  Madian:  car  alors  Gedeon  n'eut  point  la  victoire  par  industrie  humaine,  ne  par  vertu,  ni  en  force  de  bras:  mais  il  y  avoit  le  glaive  de  Dien,  et  de  Gedeon.  Au  reste  il  semble  bien  que  ce  fust  un  ieu  de  petis  enfans.  Or  nostre  Seigneur  dit  qu'il  maintiendra  ainsi  son  peuple.  Et  puis  il  exprime  en  d'autres  passages,  que  ce  ne  sera  point  ni  en  espees  ni  en  lances  que  son  peuple  sera  sauve:  mais  ce  sera  de  sa  main  seule.  Nous  voyons  donc  comme  Dieu  s'est  monstre  invincible  toutes  fois  et  quantes  qu'il  a  voulu  garder  son  peuple.  Or  a  l'opposite  il  n'a  fallu  sinon  que  l'ombre  pour  espouvanter  ces  povres  gens,  qu'ils  ont  perdu  courage,  qu'ils  ont  este  desconfits,  mis  en  servitude  cruelle  par  les  tyrans.  En  quelle  sorte?  On  ne  sait  comment.  Quand  on  voit  comme  ils  ont  este  veincus,  c'est  chose  merveilleuse  et  incroyable  selon  les  hommes,  qu'il  y  ait  eu  un  si  grand  changement.  Or  pour  ceste  cause  Moyse  adiouste:  Seroit-il  possible  qu'un  seul  en  fist  fuir  mille,  et  que  deux  en  persecutassent  dix  mille,  sinon  que  nostre  Dieu  vous  eust  vendu,  et  qu'il  vous  eust  tenu  enserrez  et  captifs?  Car  cependant  qu'il  vous  a  donne  le  courage,  et  qu'il  vous  a  monstre  qu'il  vous  vouloit  maintenir,  vos  ennemis  n'ont  rien  gagne  sur  vous:  mais  ils  ont  este  veincus  a  vostre  seul  regard,  et  vostre  Dieu  a  combatu  pour  vous.  Maintenant  donc  vous  voyez  comme  vostre  Dieu  vous  est  partie  adverso,  vous  voyez  que  c'est  luy  qui  bataille  contre  vous.  Et  ainsi,  n'attribuez  point  aux  hommes  ce  que  vous  estes  ainsi  traittez  rudement,  cognoissez  que  c'est  la  main  de  Dieu  qui  vous  est  contraire.  Or  si  le  peuple  eust  entendu  cela,  il  eust  este  touche  quant  et  quant  de  ses  fautes,  il  se  fust  humilie,  il  fust  retourne  a  Dieu  le  cognoissant  son  iuge:  mais  il  a  tousiours  persiste  en  sa  malice.  Nous  voyons  donc