27:36  coeur.  Tu  aimeras  ton  Dieu  (dit-il)  et  le  serviras.  Et  comment?  De  toute  ton  ame,  et  de  tout  ton  coeur.  Apprenons  donc,  que  si  nous  faisons  par  contrainte  ce  qu'il  nous  aura  commande,  que  ce  n'est  rien,  ne  pensons  point  que  cela  vienne  en  conte:  comme  il  y  en  a  qui  auront  assez  belle  apparence  devant  les  hommes,  on  ne  les  accusera  point  de  larrecin,  de  meurtre,  de  paillardise:  mais  cependant  ils  seront  pleins  de  mauvaises  concupiscences  j  tellement  qu'ils  en  crevent,  et  se  faschent  d'obeir  a  Dieu,  et  ne  trouvent  nul  goust  en  ses  commandemens.  Et  pourtant  il  n'y  a  que  feintise,  il  n'y  a  qu'une  belle  apparence  et  monstre  devant  les  hommes:  bref,  il  n'y  aura  que  vanite  et  mensonge,  iusques  a  ce  que  le  coeur  se  range  a  Dieu,  et  que  nous  ayons  cela  bien  resolu  en  nous,  de  nous  adonner  a  ce  que  Dieu  nous  commande.  Voila  (di-ie)  par  quel  bout  il  nous  faut  commencer,  si  nous  voulons  bien  accomplir  la  Loy.  Ainsi  ne  nous  abusons  plus  aux  hypocrites,  qui  voudroyent  que  les  hommes  fussent  seulement  contentez  :  cognoissons  que  nous  avons  affaire  a  un  iuge  celeste  qui  n'est  point  servi  a  l'oeil,  mais  il  regarde  la  verite  du  coeur.  Que  nous  ayons  donc  ceste  affection  cordiale  de  nous  adonner  a  nostre  Dieu,  et  ne  nous  contentons  point  tellement  des  oeuvres  externes,  que  nous  n'ayons  aussi  l'affection  de  bien  faire.  Mais  outre  cela  Moyse  declaire  que  Dieu  non  seulement  veut  estre  servi  et  honore,  mais  qu'il  veut  estre  aime.  Il  y  a  ici  trois  mots  :  l'un  est  l'Amour,  l'autre  la  Reverence,  l'autre  le  Service.  Or  quant  a  la  Reverence,  ou  a  la  Crainte  (car  il  use  du  mot  de  Crainte)  ce  n'est  pas  une  crainte  servile,  c'est  le  service  et  l'honneur  que  nous  faisons  a  Dieu  en  nous  submettant  a  luy:  sachans  que  puis  qu'il  a  toute  maistrise  sur  nous,  c'est  bien  raison  que  nous  luy  soyons  subiets.  En  premier  lieu  donc  regardons,  s'il  falloit  que  Dieu  parlast  pour  nous  induire  a  ceste  reverence,  il  est  certain  que  nature  nous  le  monstre  assez,  et  nous  en  sommes  convaincus,  encores  que  iamais  on  ne  nous  en  ait  sonne  mot:  mais  tant  y  a  que  ceste  doctrine  est  comme  estouffee  en  nos  esprits,  que  la  malice  des  hommes  est  telle,  qu'ils  ne  demandent  qu'a  se  destourner  de  Dieu,  et  s'abbrutissent  entant  qu'en  eux  est,  et  comme  a  leur  escient.  Voila  pourquoy  il  nous  faut  bien  retenir  que  vaut  ce  mot  de  Reverence,  c'est  assavoir  que  Dieu  ait  hommage  de  toutes  ses  creatures:  et  d'autant  que  nous  sommes  siens,  que  nous  venions  nous  presenter  a  luy  pour  luy  estre  suiets.  Cela  aussi  emporte,  que  quand  nous  pensons  a  Dieu,  que  nous  sanctifions  son  nom,  c'est  a  dire,  que  n'imaginions  rien  de  luy  qui  derogue  a  sa  gloire:  mais  que  sa  iustice,  et  sagesse,  et  vertu,  nous  soyent  en  honneur.  C'est  donc  le  premier  que  met  ici  Moyse  quant  a  l'obeissance,  et  la  droite  observation  de