26:36  chose  n'estoit  en  doute  et  en  suspend,  ce  seroit  en  vain  qu'on  prescheroit,  et  qu'on  feroit  tant  d'exhortations,  qu'on  proposeroit  le  bien,  et  le  mal:  ce  seroit  desia  une  chose  conclue.  Voila  ce  qu'il  semble  a  ces  povres  fols  qui  attribuent  plus  a  leur  cerveau,  qu'a  la  doctrine  de  Dieu:  et  estans  mal  exercez  en  l'Escriture  saincte,  sont  tant  plus  presomptueux  a  iuger  a  la  volee  de  ce  qui  leur  est  incognu.  Mais  regardons  ce  que  Moyse  recite  ici.  Le  message  que  il  envoye  a  Sehon  Roy  des  Amorrheens  estoit  de  Dieu,  et  ne  le  faut  point  prendre  comme  d'un  homme  mortel,  ainsi  que  nous  avons  declare.  Or  cependant  Sehon  est-il  dispose  a  recevoir  ce  qu'il  luy  mande?  Y  a-il  ici  encores  quelque  cas  fortuit  qu'on  pense  qu'il  doive  advenir  ou  non?  Moyse  estoit  bien  asseure  que  Sehon  n'obeiroit  point:  et  ie  n'entre  point  encores  en  dispute  dont  cela  procede.  Il  sera  declare  en  la  lecture  prochaine,  que  Dieu  avoit  endurci  le  coeur  de  Sehon,  et  qu'il  le  vouloit  ainsi.  Comme  aussi  il  en  est  parle  au  Pseaume  :  Que  Dieu  a  tourne  les  coeurs  de  ceux  qui  autrement  eussent  este  amis  au  peuple,  et  qu'il  les  a  endurcis  en  telle  sorte,  qu'ils  n'ont  peu  souffrir  que  on  les  espargnast.  Mais  ie  n'entre  point  encores  si  avant,  ie  ne  traitte  sinon  cest  article:  Que  Dieu  envoyera  des  messages  aux  hommes  en  son  nom,  et  de  son  authorite,  qui  toutesfois  ne  profiteront  rien  pour  les  reduire.  Et  pourquoy?  car  ceux  ausquels  il  parle,  sont  desia  obstinez  a  mal:  et  il  n'en  faut  attendre  sinon  qu'ils  s'enflammeront  tant  plus,  et  ne  feront  qu'empirer,  ayans  ouy  ce  que  Dieu  leur  commande.  Et  pourtant,  comme  i'ay  desia  dit,  encores  que  ceci  ne  soit  point  convenable  a  nostre  sens  humain  :  si  faut  il  nous  humilier,  et  adorer  les  secrets  de  Dieu.  Quand  nous  trouverons  les  choses  contraires  a  nostre  raison  naturelle,  faut-il  que  nous  laschions  la  bride  a  nostre  prudence,  pour  dire:  O  voila,  il  m'en  semble  autrement:  il  en  sera  donc  ainsi?  Non:  que  Dieu  ait  ceste  maistrise  plustost,  et  que  nous  devenions  comme  fols,  afin  d'estre  sages  en  luy.  Car  c'est  aussi  par  ou  il  nous  faut  commencer  pour  bien  profiter  en  l'escole  de  Dieu:  il  nous  faut  suyvre  ce  que  sainct  Paul  nous  monstre,  c'est  assavoir,  que  nous  soyons  fols  en  nous-mesmes,  c'est  a  dire,  que  nous  n'a{ypettions  point  ceste  sagesse  maudite,  dont  les  hommes  sont  enflez,  quand  ils  cuident  estre  assez  aigus  et  subtils  pour  iuger  des  choses.  Gardons-nous  de  ceste  fantasie-la:  mais  estans  vuides  de  nostre  sens,  estans  comme  aneantis  du  tout,  que  nous  profitions  quand  Dieu  nous  declare  ce  qu'il  luy  plaist,  et  ce  qui  est  bon  devant  luy.  Que  donc  nous  apprenions  de  nous  conformer  du  tout  a  sa  bonne  volonte:  encores  que  devant  les  hommes  nous  soyons  reputez  fols  et  insensez,  ce  ne  sera  que  de  ceux  qui  veulent  iuger  selon  leur  propre  sens.  Au  reste  notons,  que  quand  nous