23:36  sunt,  quod  mortuum  corpus  e  terra  fictum  est,  quod  dotatum  est  anima,  unde  vitalem  haberet  motum,  quod  huic  animae  Deus  imaginem  suam  insculpsit,  cui  annexa  est  immortalitas.  Factus  est  in  animam  viventem.  t#D3  accipio  pro  ipsa  animae  essentia  :  sed  epitheton  quod  additur,  praesenti  tantum  loco  congruit,  non  autem  complectitur  animae  virtutes.  Nihil  enim  aliud  propositum  fuit  Mosi  quam  vegetationem  luteae  figurae  exponere,  qua  factum  est  ut  homo  vivere  inciperet.  Paulus  prioris  ad  Corinth,  cap.  15,  45  antithesin  statuit  inter  hanc  animam  viventem,  et  spiritum  vivificantem,  quem  fidelibus  confert  Christus:  non  alio  fine  nisi  ut  doceat  non  fuisse  in  persona  Adae  absolutum  hominis  statum:  sed  hoc  singulare  esse  beneficium  Christi  ut  renovemur  in  coelestem  vitam,  quae  etiam  ante  lapsum  Adae  nonnisi  terrena  fuit:  quia  non  habebat  stabilem  fixamque  constantiam.  8.  Plantaverat  quoque  Dominus.  Nunc  addit  Moses  qualis  vivendi  conditio  et  regula  homini  data  fuerit.  Ac  principio  narrat  in  qua  mundi  parte  locatus  fuerit,  et  quam  felicem  amoenamque  habitationem  sit  sortitus.  Deum  plantasse  dicit,  crasso  rudique  stylo,  ad  vulgi  captum  se  accommodans.  Nam  quia  Dei  maiestas,  qualis  est,  nequit  exprimi,  scriptura  humanitus  describere  eum  solet.  Plantaverat  igitur  Deus  paradisum  in  loco  quem  amoenitate  multiplici,  fructuum  omnium  copia,  et  aliis  optimis  quibusque  dotibus  unice  ornaverat.  Hac  ratione  vocatur  hortus  ob  elegantiam  situs,  et  formae  pulchritudinem.  Vetus  interpres  non  inepte  paradisum  transtulit:  quandoquidem  QUOTID  Hebraei  cultiores  hortos  nominant.  Et  Xenophon  vocem  esse  persicam  tradit,  quum  de  magnificis  et  sumptuosis  regum  hortis  disputat.  Illa  fuit  selecta  ex  toto  orbe  regio,  quam  Dominus  Adae  tanquam  omnium  primogenito  destinavit.  In  Heden.  Quod  Hieronymus  perperam  verterit:  A  principio,  satis  constat:  quia  postea  dicet  Moses,  Cain  habitasse  ad  plagam  meridionalem  illius  loci.  Porro  notandum  est,  quum  in  Oriente  statuit  paradisum,  Iudaeae  respectu  eum  loqui:  sermonem  enim  dirigit  ad  populum  suum.  Unde  primo  colligimus,  certam  fuisse  regionem  quam  Deus  primo  homini  attribuit,  in  qua  suum  domicilium  haberet.  Quod  ideo  admoneo,  quia  fuerunt  qui  hortum  istum  per  omnes  mundi  plagas  extenderent.  Equidem  fateor,  si  maledicta  non  fuisset  terra  ob  peccatum  hominis,  totam,  ut  ab  initio  benedicta  erat,  futuram  fuisse  pulcherrimum  omnis  tum  affluentiae,  tum  amoenitatis  theatrum:  fuisset  denique  non  absimilis  paradiso,  praeut  ea  est  quam  nunc  cernimus  deformitas.  Sed  quum  hic  nominatim  situm  regionis  exprimat  Moses  quod  de  peculiari  quodam  loco  dictum  est,  absurde  ad