21:36  36  chose  si  ridicule  et  si  faussement  controuvee  que  tout  homme  qui  l'a  iamais  tant  soit  peu  cognu  ne  demandera  iamais  defense  contre  une  telle  mensonge.  Il  a  este  si  fort  avaricieux  qu'ayant  en  somme  toute  six  cens  florins  de  gage,  qui  ne  reviennent  iusques  a  trois  cens  livres  tournois,  il  a  mesmes  pourchasse  d'en  avoir  moins,  et  les  contes  de  ceste  Seigneurie  en  feront  foy.  Il  a  este  si  convoiteux  des  biens  de  ce  monde  qu'estant  prise,  voire  mesmes  honore  et  de  rois  et  de  princes  et  de  seigneurs  de  plusieurs  nations,  et  mesmes  leur  ayant  dedie  ses  ouvrages,  ie  ne  scache  (et  le  scaurais  a  mon  advis  [page  33]  s'il  estoit  autrement)  que  iamais  il  en  ait  receu  a  son  profit  la  valeur  de  vingt  escus.  Aussi  avoit-il  la  sacree  parole  de  Dieu  en  telle  reverence  qu'il  eust  mieux  aime  mourir  que  de  s'en  servir  d'apast  en  ambition  ou  avarice,  ll  a  dedie  ses  livres  ou  a  quelques  personnes  privees  en  recognoissance  de  quelque  bienfaict  ou  d'amitie,  comme  un  docte  et  singulierement  beau  Commentaire  sur  le  livre  de  Senecque  touchant  la  vertu  de  clemence,  lequel  il  fit  a  Paris  a  l'aage  de  24  ans,  et  le  dedia  a  l'un  des  seigneurs  de  Mommor,  avec  lesquels  il  avoit  eu  ce  bien  d'estre  nourri,  non  pas  toutesfois  a  leurs  despens.  Le  semblable  est  de  ses  Commentaires  sur  l'epistre  aux  Romains  dediee  a  Simon  Grinee:  sur  la  premiere  aux  Corinthiens,  au  Seigneur  Marquis  Caraciol:  sur  la  seconde,  a  Melchior  Volmar  son  precepteur  en  Grec  :  sur  la  premiere  aux  Thessaloniciens,  a  Mathurin  Cordier  son  regent  au  college  de  Saincte  Barbe  a  Paris  en  sa  premiere  ieunesse  :  sur  la  seconde,  a  Benoist  Textor  son  medecin  :  sur  l'Epistre  a  Tite,  a  ses  deux  singuliers  amis  et  compagnons  en  l'oeuvre  du  Seigneur,  M.  Guillaume  Farel  et  M.  Pierre  Viret:  et  le  livre  des  Scandales  a,  Laurent  de  Normandie  son  ancien  et  perpetuel  ami.  Quant  aux  autres  dediez  a  quelques  rois  ou  princes  ou  republiques  [page  34],  son  but  estoit  d'encourager  les  uns  par  ce  moyen  a  perseverer  en  la  protection  des  enfans  de  Dieu  et  y  inciter  les  autres.  Parquoy  aussi  quand  il  a  veu  que  tels  personnages  faisoyent  tout  le  contraire,  il  n'a  pas  fait  difficulte  d'oster  leurs  noms  pour  y  en  mettre  d'autres:  ce  qui  est  toutesfois  seulement  advenu  en  deux  prefaces.  Voila  quant  a  ce  crime  d'avarice.  Autres  tout  au  contraire  l'ont  fait  prodigue  et  ioueur,  mais  aussi  a  propos  que  ceux  qui  l'ont  charge  de  paillardise.  Quant  a  la  prodigalite  et  ce  qui  s'en  ensuit,  aumoins  ses  livres  feront  foy  iusques  a  la  fin  du  monde  de  ses  passetemps  et  de  l'impudence  de  tels  menteurs.  Quant  a  la  paillardise  ce  seroit  merveilles  qu'homme  ait  ose  se  desborder  iusques  a  forger  ceste  calomnie,  n'estoit  que  c'est  une  chose  toute  accoustumee  contre  les  plus  excellens  serviteurs  de  Dieu.  Mais  il  est  a  naistre  qui  iamais  en  ait  mesmes  soupsonne  celuy  dont  nous  parlons  en