16:36  2391,  FARELLUS  CALVINO.  lam  aliquis  inventus  est  qui  primo  quoque  tempore  Lutetiam  se  conferet.  Porro  gratulatur  ei  valetudinem  restitutam,  et  reipublicae  statum  tranquilliorem.  Denique  excurrit  in  declamationem  quam  si  perlegere  sustinueris  eliam  ut  intelligas  optamus.  (Ex  autographo  Cod.  Genev.  115,  fol.  112,  coll.  cum  Cod.  116,  fol.  47;  Epp.  Bern.  vi.  p.  620,  et  Simleri  Vol.  86.)  Quam  clarissimo  Christi  servo  Ioanni  Calvino  pastori  ecclesiae  Genevensis  vero  et  insigni  theologo  fratri  et  symmystae  quam  carissimo.  Genevae.  S.  Tam  cunctanter  fieri  quod  quam  accuratissime  et  ocyus  absolvi  oportebat,  supra  modum  moleste  tuli.  ')  Brosseus  probe  prudenter  omnia  videtur  afferre,  Sorelus2)  non  sine  difficultate  tractus,  nisi  ecclesiam  vellet  perdere,  nihil  potuit.  In  Einardo3)  de  quo  nonnihil  attigeramus,  quamvis  multa  erant  quae  hominem  impedire  poterant  nihil  tamen  fuit,  quod  impedierit,  itaque  auspice  Christo  cras  viae  se  committet,  nisi  hodie  Lausanna  aliud  accipiamus.  Spero  te  non  minus  probaturum  quam  de  aliis.  Uxor  si  iam  non  peperit,  parturiens  in  horas  cito  pariet.  Sed  hoc  in  mora  non  erit.  Fratrem  ita  habemus  per  Christum  voluntarium,  ut  quidquid  visum  fuerit  pro  gloria  Domini  et  indicabitur  ei  pro  virili  sit  facturus.  Haerebit  quamdiu  voluerimus  et  e  re  ecclesiae  fuerit.  Redibit  mox  ut  revocabitur.  Tu  pridem  novisti,  quam  habueris  obtemperantem.  Ego  quoque  non  repugnantem  sum  expertus.  Ideo,  ut  prius  curastis  ita  curam  ipsius  suscipe.  Habet  Dei  dona  non  vulgaria  et  sane  sua  promptitudo  et  ultronea  devotio  sui  ad  mortem,  si  ita  Domino  visum  fuerit  ut  pro  verbo  patiatur,  mihi  valde  placuit,  et  quod  uxorem,  ut  nunc  est,  et  numerum  liberorum,  imo  quam  habet  iam  pacatiorem  ecclesiam  et  melius  compositam,  non  tanti  facit,  quam  quod  videt  pro  gloria  Christi  esse  et  ad  quod  per  nos  invitatur.  Solus  eram  qui  mihi  de  eo  pollicerer,  sed  exspectationem  omnem  vicit,  ut  mirati  sint,  qui  nocuerunt.  Spero  Dominum  2391.  1)  Vide  omnino  praecedentem  Bezae  ad  Calvinum.  2)  Hic  vero  est  ille  Iacobus  de  quo  ibidem,  v.  d.  m.  in  Boudry.  (Kirchh.  145.  Haag  IX.  291.)  Hist  eccl  I.  766  refert  eum  postea  apud  Tricasses  evangelium  praedicasse  unde  pulsus  Genevam  redierit,  denique  vero  eodem  illo  loco  periisse.  Gallus  erat  ex  Sezanne  en  Brie.  3)  Farellus  quidem  scripsisse  videtur  Emaudo  s.  Einaudo.  Nomen  ei  erat  Pichon.  Occurrit  nobis  iam  N.  188  et  passim.  Posteriora  eius  fata  narrat  Hist  eccl.  I.  891.