11:36  nificum  saevitiam  supra  modum  fervere,  ut  solet  quoties  semel  ebulliit.  Et  occurrendi  nulla  se  offert  ratio.  Scripsi  enim  ad  Farellum,  ea  spe,  quae  diu  suspensos  tenuit,  iam  nos  excidisse.  Quare,  nisi  quam  novam  rimam  Dominus  aperiat,  miseris  fratribus  aliter  opitulari  non  licet  quam  precibus  atque  exhortationibus.  Quae  tamen  ipsae  adeo  periculosae  sunt  eorum  capitibus,  ut  sit  consultius  abstinere.  Quod  ergo  unum  fere  restat,  Domino  eorum  salutem  commendemus.  Eam  vero  epistolae  partem  non  sine  risu  legi,  ubi  tam  bene  valetudini  meae  prospicis.  Genevamne,  ut  melius  habeam?  Our  non  potius  recta  ad  crucem?  Satius  enim  fuerit  semel  perire  quam  in  illa  carnificina  iterum  torqueri.  Ergo,  mi  Tir  ete,  si  salvum  me  esse  cupis,  consilium  istud  omittas.  Gratissimum  tamen  fuit  quod  intellexi  Fontaninos  fratres  ita  fuisse  de  incolumitate  mea  sollicitos,  et  te  quoque  animum  eo  intendisse.  Vix  equidem  dignum  me  esse  puto  cuius  causa  tantopere  laboretur.  Non  possum  tamen  non  laetari  isto  erga  me  bonorum  studio.  Capito  in  suis  praelectionibus  quaedam  habet  quae  tibi  ad  enarrationem  Iesaiae  conducere  plurimum  possint.  Sed  quia  auditoribus  nihil  dictat,  et  nondum  ultra  decimum  quartum  caput  progressus  est,  tibi  ad  praesens  adiumento  esse  non  potest  eius  opera.  Zuinglius,  tametsi  dexteritate  non  caret,  quia  tamen  nimiam  libertatem  usurpat,  saepe  a  mente  prophetae  longe  evagatur.  Lutherus  non  adeo  anxius  de  verborum  proprietate  aut  historiae  circumstantia  satis  habet  fructiferam  aliquam  doctrinam  elicere.  Nemo  ergo  adhuc  diligentius  Oecolampadio  in  hoc  opere  versatus  est,  qui  tamen  etiam  scopum  non  semper  attingit.  Verum  ut  te  interdum  deficiant  adminicula,  Dominus  tamen,  ut  spero,  non  te  destituit.  Nihil  de  rebus  nostris  scribo,  quo  amplior  supersit  Farello  scribendi  materia.  Omnes  te  amicissime  resalutant:  Capito,  Bucerus,  Matthias,  Sturmius,  Pedrottus.  Hedionem  nondum  vidi  ex  quo  literae  tuae  mihi  redditae  sunt.  Mihi  vicissim  saluta  Conradum,  Cornelium,  Iacobum,  Isnardum  et  alios.  Materteram  quoque  tuam  matrem  meam,l)  et  uxorem,  quam  semel  videre  cupio.  Conradi  mentio  mihi  quod  exciderat  suggessit.  Gaspar  ille,  qui  apud  eum  aliquamdiu  vixit,  nuper  hic  fuit  ac  Sturmio  conquestus  est  graviter,  quod  se  mandato  Grynaei  apud  bonos  viros  inhumaniter2)  traduxissem.  Apud  me  subticuit,  nec  aliud  quam  salutavit,  quum  a  lectione  mea  egrederetur.  Hoc  te  scire  volui,  ut  posthac  sitis  cautiores.  Vale,  optime  et  ��17-  li  Henry  interrogationis  signum  apponit,  non  animadvertens  Calvinum  Vireti  materteram  ita  appellare,  reverentiae  et  pietatis  causa.  Anglus  matrem  omittit,  et  ipse  quoque  nodum  in  scirpo  quaerens.  2)  m&uaviter  Apogr.  et  H.