10.1:36  l'aage  susdictz,  assavoir  le  filz  20  ans  passes  et  la  fille  18:  *)  et  quilz  ayent  este  emancipes,  cest  adire  qu'ilz  soyent  sortis  de  la  maison  de  leur  pere  et  ayent  tenu  menage  a  part:  combien  que  sera  le  plus  honneste  qu'ilz  se  laissent  tousiours  gouverner  par  le  conseil  de  leurs  peres.  Que  toutes  promesses  de  mariage  se  facent  honnestement  et  en  la  crainte  de  Dieu,  et  non  point  en  dissolution,  ne  par  une  legierete  frivole,  comme  en  tendant  seulement  le  verre  pour  boire  ensemble,  sans  s'estre  premierement  accorde  de  propos  rassis.  Et  que  ceux  qui  feront  autrement  soyent  chasties  :  mais  a  la  requeste  de  l'une  des  parties  qui  se  diroit  avoir  este  surprinse,  que  le  mariage  soit  rescinde.  Si  quelcun  tire  une  partie  en  cause,  allegant  promesse  de  mariage,  sinon  qu'il  y  eust  deux  tesmoings  gens  de  bien  et  de  bonne  renommee,  que  le  serment  soit  defere  a  la  partie  defendante:  et  qu'en  le  nyant  elle  soit  absoulte.  Pour  quelles  causes  les  promesses  faictes  se  peuvent  rescinder.  Que  depuis  qu'il  appert  d'une  promesse  deuement  faicte  entre  personnes  capables,  le  mariage  ne  soit  point  rescinde  sinon  pour  troys  cas.  Ascavoir  quand  il  se  trouveroit  par  probation  suffisante  que  une  fille  qui  auroit  este  prinse  pour  vierge  ne  le  seroit  pas:  ou  que  l'une  des  parties  auroit  maladie  contagieuse  en  son  corps  et  incurable.  Tiercement2)  si  ung  homme  apres  avoir  iure  fille  ou  femme,  s'en  va  en  ung  aultre  pays  et  que  la  fille  ou  la  femme  en  vienne  faire  plainte  demandant  qu'on  la  delivre  de  sa  promesse,  attendu  la  desloyaute  de  l'autre,  qu'on  s'enquierre  s'il  l'a  fait  pour  quelque  occasion  honneste  et  du  sceu  de  sa  partie,  ou  bien  par  desbauchement  et  de  ce  qu'il  n'auroit  point  eu  vouloir  d'accomplir  le  mariage.  S'il  se  trouve  qu'il  n'ayt  point  eu  de  raison  apparente  et  qu'il  l'ayt  fait  de  mauvais  courage,  qu'on  s'enquierre  du  lieu  ou  il  s'est  retire:  et  s'il  y  a  moyen,  qu'on  luy  notiffie  qu'il  ayt  a  venir  dedans  certain  iour  pour  s'acquitter  de  la  foy  qu'il  a  promise.  S'il  ne  comparoit  point,  ayant  este  adverti,  que  par  trois  dimenches  il  soit  proclame  en  l'esglise  qu'il  ayt  a  comparoistre,  tellement  qu'il  y  ayt  tousiours  quinze  iours8)  de  distance  entre  deux  proclamation,  et  ainsy  que  tout  1e  terme  soit  de  1)  Calvin  a  change  ces  chiffres  en  24  et  20.  2)  Ce  troisieme  cas  manque  dans  la  copie  de  la  F.  O.  quoique  V  article  commence  en  annoncant  trois  cas.  Les  Ord.  de  1561  ne  parlent  plus  que  de  deux  cas.  Mais  l'article  se  trouve  insere  plus  loin  dans  les  deux  textes,  sous  le  chap.  de  Vannulation  des  mariages.  3)  quinze  iours:  addition  de  Calvin.