8:359  359  DE  AETERNA  DEI  360  cernitur  diversitas,*)  quum  divinitus  sit  illis  indita,  arcanae  illius  operationis,  qua  corda  regit  ac  movet,  luculentum  est  specimen.  Hinc  certe  iam  colligere  promptum  est,  quam  inane  et  fluxum  sit  illud  divinae  iustitiae  patrocinium  [pag.  187],  quae  mala  sunt,  non  eius  voluntate,  sed  permissu  duntaxat  fieri.  Equidem  quatenus  mala  sunt,  quae  malo  animo  perpetrant  homines,  ut  statim  plenius  exponam,  Deo  minime  placere  fateor:  sed  quod  otiosum  ea  permittere  fingunt,  quae  scriptura  non  tantum  eo  volente  sed  autore  fieri  pronunciat,  nimis  frivolum  est  effugium.  Dedit  hoc  interdum  Augustinus  receptae  loquendi  consuetudini:  sed  quum  pressius  insistit,  et  magis  exacte  rem  examinat,  nullo  modo  patitur,  in  locum  actionis  permissionem  substitui.  Non  referam  ad  verbum  omnia  quae  hac  de  re  libro  contra  Iulianum  quinto  disputat.  Clausulam  apponere  sufficiet:2)  Facit  haec  miris  et  ineffabilibus  modis,  qui  novit  iusta  iudicia  sua,  non  solum  in  corporibus  hominum,  sed  etiam  in  cordibus  operari.  Qui  non  facit  voluntates  nialas,  sed  utitur  eis  ut  voluerit:  quum  aliquid  inique  velle  non  possit.  In  eundem  sensum  alibi  :3)  Scriptura,  si  diligenter  inspicitur,  ostendit  non  solum  bonas  hominum  voluntates,  quas  ipse  facit  ex  malis,  et  bonas  a  se  factas,  in  actus  bonos  et  in  aeternam  dirigi  vitam:  verum  etiam  illas  quae  conservant  saeculi  creaturam,  ita  esse  in  Dei  potestate,  ut  eas  quando  voluerit,  et  quo  voluerit,  faciat  inclinari:  vel  ad  beneficia  quibusdam  praestanda,  vel  ad  poenas  quibusdam  ingerendas  [pag.  188].  Tandem  attexit:4)  Quis  non  ad  ista  iudicia  contremiscat,  quibus  agit  Deus  etiam  in  cordibus  malorum  quidquid  vult,  reddens  eis  tamen  secundum  merita  eorum?  Iterum  scripturae  testimoniis  satis  manifestum  est,  operari  Deum  in  cordibus  hominum  ad  inclinandas  eorum  voluntates  quocunque  voluerit,  sive  ad  bona  pro  sua  misericordia,  sive  ad  mala  pro  meritis  eorum,  iudicio  utique  suo,  quandoque  aperto,  quandoque  occulto,  semper  autem  iusto:  fixum  enim  in  cordibus  vestris  esse  debet,  quod  non  sit  iniquitas  apud  Deum.  Cur  autem  occultum  quandoque  Dei  iudicium  esse  commemoret,  ex  superiore  loco5)  petenda  ratio  est:  ubi  postquam  saepius  peccata  confessus  est  esse  poenas,  quas  Deus  iuste  prioribus  peccatis  rependit,  tandem  ad  illud  altius  magisque  reconditum  arcanum  conscendit:  quod  iustam  exercendae  irae  suae  materiam  1)  Add.  que  les  uns  sont  fols,  les  autres  stupides,  les  autres  aiguz,  les  autres  advisez,  les  autres  graves,  les  autres  legers  etc.  2)  Cap.  3.  3)  De  gratia  et  libero  arbitr,  ad  Talent,  cap.  20.  4)  Cap.  21.  b)  Lib.  contra  Iulia  5  cap.  3.