55:359  359  EPIST.  IOHANNIS  360  cruciatus,  nihil  magis  optabile  est  quam  sedata  conscientia  et  animo  composito  sese  in  Dei  conspectum  offerre.  Quod  alii  dicunt,  timere  servos  quia  poenam  et  flagella  sibi  ante  oculos  proponunt,  nec  obire  suum  officium  nisi  coactos:  nihil  ad  mentem  apostoli,  ut  dictum  est.  Ita  in  proximo  membro,  quum  exponunt,  non  esse  perfectum  in  caritate,  qui  timet:  quia  non  ultro  se  subiicit  Deo  quin  potius  libenter  se  emanciparet  :  contextui  minime  convenit.  Potius  enim  admonet  apostolus,  hoc  esse  infidelitatis  vitium,  quum  aliquis  timet,  hoc  est,  inquietum  habet  animum:  quia  amor  Dei  probe  cognitus,  animos  tranquillat.  19.  Nos  diligimus  eum,  quia  prior  dilexit  nos.  20.  Si  quis  dicit,  Deum  diligo  :  et  proximum  suum  odio  habeat,  mendax  est.  Qui  enim  non  diligit  fratrem  suum  quem  vidit  j  quomodo  potest  diligere?  21.  Et  hoc  praeceptum  habemus  ab  ipso1  ut  qui  Deum  diligit,  diligat  et  fratrem  suum.  19.  Nos  diligimus.  Verbum  aya7i(&|iev  tam  indicativo,  quam  hortandi  modo  legi  potest:  prior  tamen  sensus  longe  melius  quadrat,  Repetit  enim  (meo  iudicio)  apostolus  superiorem  sententiam,  quia  Deus  nos  gratuito  amore  antevertit,  reddere  nos  illi  debitas  vices:  ut  mox  subsumat,  ipsum  in  hominibus  esse  diligendum,  vel  testandum  erga  homines  quem  illi  amorem  deferimus.  Si  cui  tamen  placet  hortandi  modus,  eodem  tendet  oratio,  Quia  nos  gratis  Deus  amavit,  mutuo  nunc  eum  amemus.  Atqui  amor  ille  stare  nequit,  quin  fraternum  inter  nos  amorem  generet:  ideo  mentiri  eos  dicit,  qui  Deum  amare  iactant,  quum  proximos  oderint.  Sed  videtur  parum  firma  esse  ratio  quam  subiicit:  est  enim  comparatio  minoris  et  maioris.  Si  proximos,  inquit,  quibuscum  versamur,  non  diligimus:  multo  minus  Deum  poterimus  diligere,  qui  est  invisibilis.  Duplex  autem  exceptio  in  promptu  est.  Nam  et  amor,  quo  Deum  prosequimur,  ex  fide,  non  ex  adspectu  manat:  quemadmodum  habetur  1.  Petri  1,  8.  Deinde  longe  diversa  est  Dei  quam  hominum  ratio:  quia  quum  in  amorem  sui  nos  Deus  pro  immensa  sua  bonitate  rapiat,  saepe  odio  digni  sunt  homines.  Respondeo,  apostolum,  quod  proculdubio  inter  nos  constare  debet,  pro  confesso  hic  sumere,  Deum  se  nobis  in  hominibus  offerre,  qui  insculptam  gerunt  eius  imaginem:  et  officia,  quibus  ipse  non  indiget,  ut  illis  praestemus,  exigere:  quemadmodum  Psalmo  16,2,  legimus,  Beneficentia  mea  ad  te  non  pervenit,  Domine.  Erga  sanctos,  qui  in  terra  sunt,  affectus  meus.  Et  certe  eiusdem  naturae  societas,  tot  rerum  usus,  mutua  communicatio,  nisi  valde  ferrei  essemus,  ad  amorem  nos  allicerent:  sed  Iohannes  nihil  aliud  voluit,  quam  fallacem  esse  iactan-