52:359  359  EPIST.  PAULI  AD  TIMOTHEUM  II  360  Onesiphorum  dicit  non  erubuisse  de  sua  catena,  id  non  modo  liberalitatis  signum  est,  sed  etiam  zeli:  quandoquidem  periculo  se  libenter  obiecerit  ac  hominum  infamiae,  ut  Paulum  ipsum  iuvaret.  18.  Det  ei  Dominus  ut  inveniat.  Quidam  ita  exponunt:  Det  illi  Deus  ut  apud  Christum  iudicem  misericordiam  reperiat.  Et  sane  hoc  aliquanto  est  tolerabilius,  quam  locum  illum  Mosis  (Gene.  19,  24):  Pluit  Dominus  a  Domino,  ita  exponere,  Pluit  pater  a  filio.  Fieri  tamen  potest  ut  vehementia  affectus  Paulum  ad  repetitionem  supervacuam  impulerit,  ut  fieri  solet.  Haec  autem  precatio  nos  docet  quanto  uberior  merces  eos  maneat,  qui  sine  spe  terreni  praemii  sanctis  exhibent  sua  officia,  quam  si  praesentem  ex  manu  hominum  reciperent.  Quid  autem  precatur?  ut  misericordiam  inveniat.  Qui  enim  erga  proximos  fuerit  misericors,  talem  erga  se  experietur  Deum.  Quae  promissio  nisi  ad  benignitatem  exercendam  acriter  nos  sollicitet  ac  stimulet,  plus  quam  stupidi  sumus.  Unde  sequitur  etiam,  Deum  non  merita  nostra  ex  dignitate  praemiari:  sed  hoc  esse  optimum  et  praestantissimum  quod  nobis  rependit  praemium,  dum  nobis  ignoscit:  seque  non  tam  severum  ostendit  iudicem,  quam  patrem  indulgentem  ac  propitium.  CAPUT  n.  1.  Tu  ergo,  fili  mi,  fortis  esto  in  gratia,  quae  est  in  Christo  Iesu:  2.  et  quae  a  me  audisti  per  multos  testes,  haec  commenda  fidelibus  hominibusf  qui  idonei  erunt  ad  alios  etiam  docendos.  3.  Tu  igitur  feras  afflictiones,  ut  bonus  miles  Iesu  Christi.  4.  Nemo  qui  militat^  implicatur  vitae  negotiis,  ut  imperatori  placeat  5.  Quod  si  quis  etiam  certaverit,  non  coronatur,  nisi  legitime  certaverit.  6.  Laborare  prius  agricolam  oportet  quam  fructus  percipiat.  7.  Intellige  quae  dico.  Det  enim  tibi  Dominus  intellectum  in  omnibus.  1.  Tu  ergo.  Sicuti  antea  iusserat  depositum  servare  per  spiritum  :  ita  etiam  nunc  praecipit  ut  in  gratia  roboretur.  Quo  dicto  vult  torporem  et  inertiam  excutere.  Adeo  enim  ignava  est  caro,  ut  medio  in  cursu  flaccescant  etiam  qui  praediti  sunt  egregiis  donis,  nisi  identidem  excitentur.  Dicet  quispiam:  Quorsum  attinet  hominem  hortari  ut  in  g  r  a  t  i  a  sit  fortis,  nisi  aliquae  essent  ad  cooperandum  liberi  arbitrii  partes?  Respondeo,  hoc  ipsum,  quod  flagitat  Deus  verbo  suo  a  nobis,  etiam  spiritu  suo  praestare,  ut  in  gratia  quam  nobis  contulit,  roboremur.  Neque  tamen  supervacuae  sunt  exhortationes:  quia  spiritus  Dei  nos  intus  docens,  facit  ne  frustra  et  inutiliter  illae  insonent  auribus,  Quisquis  ergo  agnoscet  praesentem  exhortationem