5:359  CATECHISMUS.  de  sacramentis  septem  in  regno  papae  receptum  est,  pro  fabula  ac  mendacio  habemus.  DE  BAPTISMO.  Baptismus  externum  est  signum,  quo  Dominus  testatur,  se  velle  nos  in  filiorum  locum  cooptare,  ceu  Christi  filii  sui  membra.  Itaque  nobis  in  eo  repraesentatur  peccatorum  nostrorum  purgatio,  quam  in  Christi  sanguine  obtinemus:  mortificatio  carnis  nostrae,  quam  consequimur  ex  eius  morte,  ut  ipsi  in  posterum  per  spiritum  quem  dedit  nobis  vivamus.  Quando  vero  in  eiusmodi  foedere,  [pag.  58]  quod  nobiscum  percussit  Dominus,  liberos  quoque  nostros,  adhuc  infantes,  complexus  est,  fcignum  externum  iure  illis  communicari  non  dubitamus.  DE  SANCTA  COENA.  Coena  Domini  signum  est,  quo  sub  pane  et  vino  veram,  sed  spiritualem  communicationem,  quam  in  eius  corpore  et  sanguine  habemus,  nobis  repraesentat  Porro  secundum  eius  institutum,  inter  fideles  distribuendam  putamus,  ut  quicunque  Christo  in  vitam  suam  frui  volunt,  eam  simul  participent.  Iam  vero  quum  missa  papalis  maledictum  et  diabolicum  inventum  fuerit,  in  eversionem  mysterii  sanctae  coenae  confictum,  nobis  ex&ecrabilein  esse  pronunciamus,  non  secus  ac  idololatriam  a  Deo  damnatam.  Idque  multis  rationibus:  nempe,  quatenus  pro  sacrificio  in  redemptionem  animarum  aestimatur,  quatenus  etiam  panis  illic  Dei  loco  adoratur.  Etiam  nt  praetereamus  horrendas  alias  blasphemias  et  superstitiones,  ac  pravum  divini  verbi  abusum,  quod  illic  frustra,  nullo  cum  fructu,  nullaque  aedificatione  usurpatur.  DE  HUMANIS  TRADITIONIBUS.  Quae  retinendae  externae  ecclesiarum  politiae  necessariae  sunt  leges,  ac  duntaxat  ad  pacem,  decorum  atque  ordinem  in  Christianorum  coetu  retinendum  pertinent,  pro  humanis  traditionibus  non  ducimus:  quum  sub  generali  apostoli  praecepto  comprehendantur,  quo  decenter  et  ordine  geri  omnia  inter  nos  iubet.  Verum  quae  in  hoc  feruntur  ac  statuuntur,  ut  conscientias  illaqueent,  ut  necessitatem  earum  rerum  iniiciant,  quae  non  sunt  a  Deo  praeceptae,  ut  cultum  Dei  erigant  alium  quam  quem  ipse  postulat:  quia  [pag.  59J  christianam  libertatem  imminuunt  et  violant,  ceu  Satanae  perversa  dogmata,  damnamus.  Quum  Dominus  clare  pronunciet,  frustra  se  coli  doctrinis  ab  hominibus  traditis.  Quo  numero  reponimus  votivas  peregrinationes,  monachatus,  ciborum  discrimina,  matrimonii  prohibitionem,  auricularem  confessionem,  et  id  genus  reliqua.