41:359  359  SERMON  IV.  360  moignage  a  rencontre  d'eux,  et  ne  leur  faudra  autre  iuge,  que  de  ce  qu'elles  retentissent  a  cause  de  ce  qu'on  annonce  iournellement  au  nom  de  Dieu.  Voila  donc  comme  il  nous  faut  prendre  ce  passage,  ou  il  est  dit,  Toy  Balsazar  aiant  conneu  ces  choses,  n'as  point  humilie  ton  coeur,  que  les  meschans  en  despit  de  leurs  dents,  quelque  chose  qu'ils  facent  et  qu'ils  fuient  tant  qu'ils  voudront  la  parole  de  Dieu,  si  faudra  il  qu'ils  respondent,  et  qu'ils  rendent  compte  une  fois  de  tout  ce  qu'ils  auront  fait  comme  si  elle  avoit  este  annoncee  en  leur  presence,  et  non  sans  cause.  Car  nostre  seigneur  proteste  par  son  prophete  Isaie,  qu'il  ne  parle  point  en  cachete  a  nous,  il  ne  parle  point  comme  par  dessous  terre,  mais  sa  voix  resonne  par  tout,  en  sorte  qu'il  ni  a  personne  qui  s'en  puisse  excuser  s'il  ne  la  entendu.  Ainsi  donc  ceux  qui  ne  luy  auront  point  preste  l'aureille,  il  faudra  qu'ils  soient  punis,  comme  s'ils  l'avoient  reiecte  d'une  certaine  malice  ainsi  qu'ils  font,  que  reste  il  donc?  Il  nous  faut  revenir  a.  ce  que  i'ay  touche,  ascavoir  que  nous  sachions  faire  nostre  profit  de  toutes  les  oeuvres  de  Dieu,  et  sur  tout  des  punicions  qu'il  a  faites  de  tout  temps,  et  que  nous  machions  bien  tout  cela:  Comme  sainct  Paul  nous  en  admonneste  au  dixieme  de  la  premiere  aux  Corinthiens,  quand  il  dit,  Regardes  comme  Dieu  ha  traitte  les  Peres,  car  il  ha  monstre  quand  il  ha  occis  un  si  grand  nombre  de  gens,  en  quelle  detestation  il  avoit  l'idolatrie,  et  puis  il  ha  monstre  comme  il  ba  condamne  les  paillardises,  et  les  adulteres,  quand  il  en  ha  fait  une  telle  vengeance,  il  ha  monstre  qu'il  ne  pouvoit  souffrir  les  murmures  et  rebellions  quand  il  punit  Dathan,  Chore,  et  Abiron,  et  leurs  compagnons.  Apres  il  ha  declare  son  iugement  sur  les  appetits  desordonnes  des  hommes:  Connoisses  dit-il,  que  ces  choses  sont  escrites  pour  vostre  instruction,  a  fin  que  nous  aions  comme  des  miroers,  des  painctures  ou  nous  voions  comme  Dieu  est  le  Iuge  du  monde.  Or  il  n'y  ha  point  d'acception  de  personnes  en  luy,  il  iuge  selon  la  verite.  Quand  donc  auiourd'hui  nous  ensuivons  les  paillardises,  les  dissolutions,  les  idolatries,  et  toutes  autres  meschancetes,  comme  ont  fait  ceux  qui  ont  resiste  a  Moyse,  et  Aaron,  et  qui  ont  este  rebelles  a  Dieu,  en  la  personne  de  ses  serviteurs,  il  faudra  que  Dieu  besogne  envers  nous,  et  qu'il  face  son  oifice  tel  qu'il  l'ha  fait  de  ce  temps  la,  et  ainsi  regardons  a  tous  ces  beaux  miroers,  quant  ils  nous  sont  presentes,  car  voila  comme  il  nous  faut  lire  l'escriture  saincte,  que  quant  il  y  aura  quelque  iugement  de  Dieu  notable,  que  nous  y  pensions,  et  que  nous  sachions  que  Dieu  nous  advertist,  a  fin  que  nous  prenions  instruction  de  la.  Voions  nous  donc  que  Dieu  ait  puni  l'arrogance  des  hommes,  les  paillardises,  les  gournmndises,  et  toute  intemperance  ?  que  nous  soions  humbles,  et  modestes,  sobres,