32:359  359  PSALMUS  CXXXV.  360  Deus  ipse,  ut  eos  cogat  in  ordinem,  ne  magnitudinem  suam  obscurent.  6.  (Omnia  quae  vult  Iehovah)  Haec  est  immensa  Dei  magnitudo  cuius  meminit,  quod  non  semel  tantum  condiderit  coelum  et  terram,  sed  moderetur  etiam  omnia  suo  arbitrio.  Nam  qui  Deum  fatentur  mundi  creatorem,  et  sedere  otiosum  in  coelo  fingunt  abiecta  mundi  cura,  eum  sua  virtute  impie  spoliant.  Atqui  magnam  hominum  partem  occupat  crassum  hoc  commentum.  Si  quis  roget  an  credant  Deum  dormire,  negabunt  quidem:  sed  dum  imaginantur  eum  laxare  fortunae  habenas,  umbratilem,  duntaxat  potentiam  ei  relinqunt,  quae  effectu  suo  careat,  quum  scriptura  doceat  actualem  esse:  quia  totus  mundus  eius  arbitrio  regitur.  Nam  propheta  diserte  hic  affirmat,  singulas  mundi  partes  curae  esse  Deo,  ut  nihil  confuse  vel  fortuito  usquam  contingat.  Putant  vulgo  Deum  splendide  ornatum  esse,  dum  nescio  quid  de  universali  providentia  balbutiunt.  Atqui  distinctio  coeli,  terrae  et  aquarum,  particularem  curam  designat.  Praecipuum  tamen  pondus  inest  in  verbo  V^T\.  Pronuntiat  spiritus  sanctus  Deum  facere  qurdquid  placitum  est.  Confusa  autem  gubernatio,  de  qua  vulgo  garriunt,  tantum  huc  tendit,  ut  Deus  incogitanter  mundi  ordinem  continuet.  Ita  hoc  modo  in  nihilum  redigitur  eius  voluntas.  Nam  si  vult,  suum  habet  consilium,  certamque  rationem.  Unde  colligitur  specialis  eius  providentia,  quae  vim  suam  distribuit  ad  regendas  singulas  mundi  partes:  ut  nihil  fortuito  accidat,  sed  arcano  suo  consilio  moderetur  quae  videntur  maxime  fortuita.  Etsi  autem  nostrum  non  est  disquirere  cur  fieri  velit  quae  repugnant  cum  sensu  nostro,  nisi  tamen  velimus  omnia  pietatis  elementa  convellere,  firmum  hoc  manere  debet,  nihil  accidere  nisi  quod  statuit  Deus  ac  decrevit.  Ac  si  abscondita  nobis  est  eius  voluntas,  eam  tamen,  ut  fontem  omnis  iustitiae  et  rectitudinis,  reverenter  suspicere  convenit:  quia  nihil  aequius  est  quam  ut  summum  gradum  apud  nos  obtineat.  Plura,  si  videbitur,  petant  lectores  ex  Psalmo  115.  7.  (Adscendere  faciens.)  Speciem  unam  atque  alteram  attingit  propheta,  unde  melius  possit  intelligi,  nihil  sponte  moveri  nisi  quatenus  Dei  consilio  et  manu  dirigitur.  Quia  igitur  millesimam  operum  Dei  partem  comprehendere  non  potest  sensus  noster,  pauca  tantum  exempla  hic  propheta  delibat,  in  quibus  vult  expendi  quod  docuit  de  coelesti  providentia.  Nubes  dicit  attolli  ab  extremis  terrae  partibus,  quia  vapores  e  terra  surgentes  densius  coacervati,  nubes  tandem  efficiunt.  Quis  vero  futurum  putaret  ut  vapores,  quos  adscendere  eminus  conspicimus,  mox  coelum  obscurent,  et  incumbant  nostris  capitibus?  Hoc  ergo  insigne  est  documentum  potentiae  Dei,  exiguos  vapores  surgere,  qui  deinde  totum  aerem  momento  occupent.  Addit