7:358  Ie  croy,  Seigneur,  subviens  a  mon  incredulite  (Marc  9,  24).  Item:  Seigneur,  augmente-nous  la  Foy  (Luc  17,  5).  Il  appert  bien  par  cela  que  telz  phantastiques  n'ont  iamais  gouste  que  c'est  de  Dieu  ne  de  ses  graces,  quand  ilz  ne  cognoissent  point  qu'elles  sont  imparfaites,  et  que  le  deffautl)  est  un  vice  contraire.  Tous  les  exemples  qu'il  amasse  pour  approuver  la  perfection  qu'il  imagine  pouvoir  estre  aux  hommes  en  ceste  vie  presente,  ne  servent  de  rien.  Il  allegue  Ioseph,  disant  qu'il  a  este  figure  de  Iesus  Christ,  dont  il  [page  220]  pretend  qu'il  a  este  exempt  de  tout  peche.  Ie  dy  qu'Aaron  et  tous  ses  successeurs  ont  aussi  bien  este  figures  de  Iesus  Christ;  et  toutesfois  il  leur  estoit  commande  de  sacrifier  pour  leurs  pechez,  devant  qu'interceder  pour  le  peuple.  Pource  qu'il  est  escrit  de  Samuel,  que  iamais  une  parole  proferee  de  sa  bouche  ne  tomba  en  terre,  il  demande  s'il  est  a  presumer  qu'il  fust  pecheur  iusques  a  la  mort  (1  Sam.  3,  19).  Ie  dy  qu'il  a  mal  entendu  ceste  sentence,  laquelle  ne  parle  sinon2)  qu'il  a  profere  en  son  office  de  Prophete.  Ce  qui  est  aussi  bien  vray  d'Esaye  et  de  Daniel:  et  toutesfois  Esaye  dit  en  sa  derniere  vieillesse  :  Nous  avons  peche,  Seigneur  (Es.  64,  5).  Et  Daniel,  estant  aage  de  septante  ans,  recite  qu'il  confessoit  ses  pechez  et  les  pechez  de  son  peuple  (Dan.  9,  8).  Mais,  pour  n'estre  point  trop  long,  ie  vien  a  David;  car  ce  phantastique  demande  s'il  n'avoit  point  este  exauce  de  tant  de  prieres  et  gemissemens  qu'il  a  faitz,  desirant  estre  delivre  de  peche.  Ie  respons  que  si  a;  mais  a  la  facon  que  monstre  sainct  Paul,  desirant  le  semblable,  assavoir  quand  il  a  este  retire  de  ce  corps  mortel,  qui  est  comme  une  prison  qui  nous  tient  en  servitude  de  peche.  Qu'ainsi  soit,  il  n'en  faut  prendre  autre  tesmoing  que  luy,  quand  il  dit:  Seigneur,  n'entre  point  en  iugement  avec  [page  22ij  moy;  car  nul  homme  ne  sera  iustifie  en  ta  presence  (Ps.  142,  3).  Et  ne  faut  que  ce  chien  replique  en  blasphemant,  qu'il  estoit  pour  ce  temps  la  charnel;  car  il  a  parle  en  sa  plus  grande  perfection,  et  comme  Prophete  de  Dieu.  Et  n'a  pas  seulement  parle  du  temps  present,  mais  a  enclos  toute  la  vie  de  l'homme:  comme  aussi  au  Pseaume  trentedeuxiesme  il  donne  une  doctrine  perpetuelle,  en  disant  (v.  2):  Bienheureux  sont  ceux  ausquelz  les  pechez  sont  remis.  Laquelle  doctrine  sainct  Paul  applique  a  tous  les  enfans  de  Dieu  (Rom.  4,  9).  Et  de  fait,  ce  n'est  pas  sans  cause  que  nostre  Seigneur  Iesus  a  enseigne  ses  Apostres  de  prier:  Pardonne  nous  noz  offenses  (Matth.  6,  12;  Luc  ll,  4).  Ce  malheureux  degorge  un  blaspheme  execrable  que  ce  a  este  pour  le  temps  1)  quod  illis  deest.  2)  de  iis  tantum  loquitur.  23*