6:358  patiatur:  ac  inde  iudicandum,  quid  a  nobis  dissentiat.  Peccare,  inquit  Pighius,  neminem  fatetur,  nisi  volentem.  Quid  nos?  An  extra  voluntatem  peccatum  constituimus?  Fatetur  [pag.  174]  quoque,  Deum  nihil  praecepisse,  quod  non  potestati  nostrae  subiaceat.  Nempe  si  potestatem  intelligas,  non  quae  naturae  nostrae  sit  insita,  sed  quam  e  coelo  Deus  peculiariter  suis  largiatur,  sicut  ipso  toties  exponit.  Quanquam  simul  addit,  quod  verum  est  :  neque  exemplum  tale  exstitisse  unquam,  neque  posthac  sperandum.  Gratiam,  inquit,  solis  splendori  comparat.  Quo  subindicat,  vim  aliquam  animae  inesse,  sicut  in  oculi  acie  subest  virtus  visoria.  Sed  cur  mox  additam  illic  correctionem  subticet?  Hoc  enim  hactenus  simile  est,  quod  sicut  oculus  dum  aciem  suam  intendit,  solis  splendore  illuminatur,  ita  hominis  voluntas,  quae  ad  Deum  se  convertit,  eius  gratia  adiuvatur.  Sed  quum  animadverteret  Augustinus,  in  eo  claudicare  similitudinem,  quod  non  feit  in  animae  potestate  conversio,  etiam,  inquit,  ut  convertamur,  Deus  adiuvat:  quod  oculis  corporis  externa  lux  non  praestat.  Sicut  et  alibi:  Quod  est  oculis  sanitas  ad  videndum  solem,  hoc  est  gratia  mentibus  ad  implendam  legem.  1)  At  neminem  adiuvari  agnoscit,  nisi  qui  sponte  conatur:  nempe,  quia  non  externo  tantum  impulsu,  sed  voluntaria  motione  operatur  in  hominibus.  Nam  actionis  speciem  modo  designat,  ne  brutis  aut  lapidibus  similes  facere  homines  videatur.  Unde  porro  spontanea  illa  incitatio,  unde  voluntarius  conatus,  non  dissimulat  postea.  Nam  ubi  gratiae  opus  esse  testatus  est,  tam  ut  innotescat  quod  latebat,  quam  ut  suave  fiat  quod  non  delectabat:  postquam  non  humanae  facultatis,  sed  divini  esse  muneris  tradidit,  vel  quod  scimus  bonum,  vel  quod  eo  delectamur,  laborant,  inquit,  homines  invenire,  quid  in  nostra  voluntate  boni  sit  nostrum,  et  quid  inveniri  possit,  ignoro.2)  Augustinus,  si  Pighio  creditur,  ab  homine  requirit,  ut  sponte  a  se  ipso  conetur.  Quid  Augustinus  ipse?  Praetereo  alios  libros:  sed  in  eo  quem  citat  Pighius,  fortiter  ab  hac  calumnia  se  defendit.  Poterat,  inquit,3)  homo,  si  non  ex  prima  conditione  in  hanc  miseriam  [pag.  17  5]  decidisset,  sine  difficultate  iustitiam  appetere  et  sequi:  nunc  autem  ex  defectionis  poena  sequutum  est  vitium:  ut  iam  molestum  sit  obedire  iustitiae.  Vigilanter  quidem  conari  nos  iubet,  et  deprecari  ardenter:  simul  tamen  ut  intelligamus,  quod  et  sic  conamur,  et  sic  deprecamur,  dono  illius  nos  habere.  Verum,  ad  hanc  suam  liberi  arbitrii  et  gratiae  copulam  astruendam,  ex  priore  ad  Valentinum  libro  optimum  testimonium  habere  se  putat,  ubi  citatis  scripturae  praeceptis,  quae  liberum  arbitrium,  dum  1)  Advers.  Faustum  Manich,  lib.  15.  2)  Eiusdem  lib.  cap  17.  18.  3)  Cap.  19.  23*