54:358  mite:  comme  nous  en  verrons  qui  par  crainte  flechissent,  et  ne  monstrent  pas  une  telle  constance  qu'il  seroit  a  desirer.  Ceux  donc  qui  calent  la  voile  estans  vaincus  de  foiblesse,  encores  sont-ils  dignes  de  pitie.  Mais  un  homme  qui  se  desborde  iusques  la,  de  resister  a  Dieu,  et  de  fouller  au  pied  sa  parole,  et  blasphemer  contre  la  doctrine  de  salut,  de  mettre  peine  qu'elle  soit  aneantie,  il  faut  bien  qu'un  tel  homme  soit  du  tout  possede  de  Satan,  et  qu'il  porte  comme  la  marque  de  reprobation.  Voila.  donc  pourquoy  S.  Paul  use  d'une  telle  vehemence  contre  ce  forgeron  ci,  d'autant  qu'il  n'y  avoit  point  en  luy  quelque  fragilite,  ainsi  qu'il  adviendra  aux  enfans  de  Dieu,  mais  plustost  une  rage  diabolique.  Car  il  faloit  bien  qu'il  fust  desespere  du  tout,  quand  il  se  manifeste  ainsi  adversaire  de  l'Evangile.  Nous  voyons  donc  maintenant  comme  S.  Paul  en  tout  et  par  tout  a  tenu  mesure.  Car  quand  il  a  veu  les  povres  debiles  qui  ne  s'estoyent  point  acquittez,  il  en  a  eu  compassion,  voyant  qu'ils  estoyent  comme  povres  brebis  esgarees,  et  a  demande  a  Dieu  qu'il  ne  leur  fust  point  impute.  Voila,  donc  une  charite  ou  le  S.  Esprit  domine.  Mais  cependant  il  n'a  pas  espargne  un  homme  du  tout  reprouve:  quand  ii  a  veu  qu'il  n'y  avoit  plus  de  remede,  mais  qu'il  estoit  du  tout  incorrigible,  il  a  alors  desploye  son  zele  iusques  au  bout,  demandant  a.  Dieu  qu'il  Pabysmast  sans  aucune  remission.  Or  pour  appliquer  ceste  doctrine  a.  nostre  usage,  notons  en  premier  lieu,  que  Dieu  a  voulu  humilier  sainct  Paul  quand  il  luy  a  suscite  un  tel  homme  en  combat.  Si  on  fait  comparaison,  voila  un  homme  mechanique,  on  ne  dira  point  qu'il  soit  lettre,  ne  de  grand  esprit:  et  le  plus  grand  titre  que  sainct  Paul  luy  donne,  c'est  de  l'appeller  ou  forgeron,  ou  fondeur  de  cuivre:  et  toutesfois  il  faut  que  S.  Paul  entre  en  dispute  avec  luy.  Si  c'eust  este  un  homme  23*