5:358  [pag.  56]  misericordiaque  Domini  provenire,  nulla  dignitatis  nostrae  ratione  habita,  nulloque  operum  merito  in  calculum  veniente,  quibus  non  alia  remuneratio  debetur,  quam  aeternae  confusionis.  Quanquam  Dominus,  ubi  nos  pro  sua  benignitate  in  filii  sui  communionem  semel  recepit,  opera  nostra  grata  acceptaque  habet:  non  quod  ita  promereantur,  sed  quia  condonata  ipsorum  imperfectione,  nil  in  illis  intuetur,  nisi  quod  a  spiritu  eius  profectum,  purum  ac  sanctum  est.  FIDES.  Iam  fide  aditum  nobis  patefieri  intelligimus  ad  tantas  Dei  divitias,  quae  liberaliter  in  nos  offunduntur,  dum  scilicet  certa  fiducia  et  cordis  securitate  evangelii  promissiones  suscipimus,  ac  Christum  amplectimur,  talem  qualis  offertur  nobis  a  patre,  ac  in  scriptura  demonstratur.  INVOCATIO  DEI  SOLIUS  PER  CHRISTI  INTERCESSIONEM.  Quemadmodum  supra  testati  sumus,  non  alibi  quam  in  Deo  patre  per  Christum,  recidere  salutis  atque  omuis  felicitatis  fiduciam  oportere,  ita  unum  ipsum  in  omni  necessitate  invocandum  dicimus:  idque  per  Christi  nomen,  unici  mediatoris  et  advocati,  per  quem  accessus  ad  thronum  coelestem  nobis  patet.  Simul  in  omni  prosperitate  referendam  illi  gratiarum  actionem.  Contra  vero,  fictitiam  illam  sanctorum  qui  ex  vita  hac  demigrarunt  intercessionem  pro  superstitione,  praeter  scripturam  inventam  explodimus.  Praesertim  [pag.  57]  quum  non  aliunde  nata  fuerit,  quam  ex  diffidentia  intercessionis  Christi.  NE  PRECATIONI  DESIT  SENSUS  ET  INTELLIGENTIA.  Praeterea  quum  oratio  nihil  quam  perversa  simulatio  sit,  nisi  ab  interiori  cordis  affectu  oriatur,  concipiendas  esse  certa  intelligentia  orationes  credimus,  quo  vero  intelligamus  quid  sit  a  Deo  postulandum,  orationem  ediscemus  Christi  ore  nobis  traditam,  Matth.  6,  9  ss.  Pater  noster  qui  es  in  coelis,  ete.  DE  SACRAMENTIS.  Sacramenta,  quae  Dominus  ecclesiae  suae  commendavit,  esse  fidei  exercitamenta  confitemur:  quae  tum  ad  ipsam  in  Dei  promissionibus  confirmandam  et  corroborandam,  tum  apud  homines  testificandam  valere  debeant.  Duo  autem  duntaxat  christianae  ecclesiae,  Dei  autoritate,  instituta  esse  admittimus,  Baptismum  et  Coenam  Domini.  Quam  ob  rem  quod  23*