47:358  ea  sublata  moerore  occupati  non  attollebant  altius  oculos.  Idem  et  nobis  contingere  solet.  Christum  enim  sensibus  nostris  semper  affigimus,  deinde  si  pro  voto  non  apparet,  fingimus  nobis  desperationis  materiam.  Videtur  quidem  falso  apostolis  hoc  obiici,  eos  non  rogare  quo  abeat  magister,  quum  prius  ea  de  re  anxie  sciscitati  essent.  Sed  facilis  est  solutio,  sic  ipsos  quaesiisse,  ut  animos  ad  fiduciam  non  attollerent,  quod  imprimis  fieri  decebat.  Sensus  ergo  est:  Audito  meo  discessu  expavescitis,  neque  reputatis  quo  discedam,  vel  in  quem  finem.  7.  Sed  ego  veritatem.  Utilem  fore  absentiam  suam  testatur,  ut  desinant  velle  ipsum  habere  oculis  praesentem,  et  speciem  iurisiurandi  adhibet.  Quia  enim  carnales  sumus,  nibil  difficilius  est  quam  praeposterum  hunc  affectum  ex  animis  nostris  revellere,  quo  Christum  e  coelo  ad  nos  detrahimus.  Hanc  vero  utilitatis  speciem  exprimit,  quod  non  aliter  spiritu  sancto  donandi  erant,  nisi  ipse  mundum  relinqueret.  Longe  autem  utilior  ac  magis  expetenda  Christi  praesentia,  qua  per  spiritus  sui  gratiam  et  virtutem  se  fruendum  nobis  praebet,  quam  si  nobis  ante  oculos  adesset.  Neque  hic  movenda  est  quaestio,  annon  potuerit  spiritum  Christus  elicere,  quum  in  terris  ageret.  Nam  pro  confesso  sumit  Christus  quidquid  a  patre  decretum  est.  Et  certe  ubi  semel  ostendit  Dominus  quid  fieri  velit,  stulta  est  ac  noxia  de  possibilitate  disputatio.  8.  Et  quum  venerit  ille,  arguet  mundum  de  peccato,  et  de  iustitia,  et  de  iudicio.  9.  De  peccato  quidem,  eo  quod  non  credunt  in  me.  10.  De  iustitia  autem,  quia  ad  patrem  meum  vado,  et  amplius  non  videbitis  me.  ll.  De  iudicio  autem,  quia  princeps  mundi  huius  iudicatus  est.  12.  Adhuc  multa  habeo  vobis  dicenda,  sed  non  potestis  nunc  portare.  13.  Quum  autem  venerit  ille,  nempe  spiritus  veritatis,  ducet  vos  in  omnem  veritatem.  Neque  enim  loquetur  a  se  ipso,  sed  quaecunque  audierit,  loquetur:  et  quae  eventura  sunt,  annuntiabit  vobis.  14.  Ille  me  glorificabit,  quia  de  meo  accipiet,  et  annuntiabit  vobis.  15.  Omnia,  quae  habet  pater,  mea  sunt:  propterea  dixi  vobis,  De  meo  accipiet  et  annuntiabit  vobis.  8.  Quum  venerit  ille.  Omissa  expositionum  varietate,  quam  nobis  peperit  loci  obscuritas,  tantum  afferam  quod  mihi  videtur  ex  genuino  esse  Christi  sensu.  Promiserat  spiritum  suum  discipulis:  nunc  doni  praestantiam  ab  effectu  commendat,  quia  spiritus  hic  non  eos  modo  privatim  reget,  sustinebit  ac  tuebitur,  sed  vim  suam  et  efficaciam  latius  diffundet.  Arguet  mundum,  inquit,  hoc  est,  non  manebit  inclusus  in  vobis,  sed  potentia  eius  se  a  vobis  proferet  in  totum  mundum.  Spiritum  ergo  illis  promittit,  qui  futurus  sit  iudex  mundi,  et  per  quem  eorum  praedicatio  adeo  viva  efficaxque  futgra  sit,  ut  in  ordinem  cogat,  qui  prius  effraeni  licentia  ex-  23*