41:358  car  Dieu  espand  la  doctrine  de  sa  parole  par  tout,  mais  pensons  a  nous:  car  Dieu  nous  esclaire  comme  en  plein  midi,  quand  nous  avons  sa  parole  qui  nous  est  preschee,  ce  pendant  ou  en  sommes  nous?  Ou  est  l'amendement,  pour  dire  que  cette  doctrine  que  nous  avons  conneue  nous  proffite,  et  qu'elle  nous  pousse,  et  nous  incite  a  donner  gloire  a  Dieu,  pour  nous  humilier  et  faire  changer  de  vie?  Helas!  nous  sommes  bien  loin  de  cela.  Que  dira  on  donc  sinon  que  nous  sommes  pleins  de  rebellion,  qu'il  semble  que  nous  aions  conspire  avec  Sathan,  pour  faire  la  guerre  a  Dieu?  Ne  meritons  nous  pas  bien  donc  d'estre  tenus  et  reputes,  comme  gens  incorrigibles,  comme  gens  ou  il  ni  ha  plus  de  remede,  quand  Dieu  nous  a  essaie  par  tous  moiens  efc  ne  nous  peut  gaigner?  Et  ainsi  ce  qui  est  dit  en  ce  passage  du  Roy  Balsazar  nous  attouche.  Toy  aiant  conneu  ces  choses  n'as  point  humilie  ton  coeur.  Or  il  ce  peut  bien  faire,  que  Balsazar  ne  pensoit  gueres  a  ce  qui  estoit  advenu  a  son  grand  Pere,  car  s'il  j  a  eu  quelque  ignominie  en  une  maison,  les  successeurs  voudront  que  tout  cela  soit  enseveli,  par  plus  forte  raison,  les  grans  princes  et  Roys  n'appetent  point  que  les  opprobres  de  leurs  grans  peres  et  de  leurs  ancestres  soient  descouvers,  et  qu'on  les  connoisse:  au  contraire  ils  voudront  bien  que  les  croniques  soient  faites  a  leur  louange,  qu'il  ni  ait  rien  que  leurs  prouesses  qui  viennent  en  avant,  qu'il  ni  ait  rien  la  que  vertu,  ainsi  en  fait  Balsazar,  qui  voudroit  bien  qu'on  ne  luy  parlat  iamais  de  la  punicion  que  Dieu  avoit  faite  au  Roy  Nabuchodonozor,  mais  tant  y  a  que  Daniel  luy  remontre  qu'il  luy  en  devoit  souvenir,  et  qu'il  en  devoit  autrement  faire  son  proffit  qu'il  n'a  pas,  combien  donc  que  Balsazar  ferme  les  yeus  a  tout  cela,  si  faut  il  qu'il  soit  convaincu,  d'avoir  une  telle  obstinacion,  quand  Dieu  la  adverti  qu'il  ne  la  point  entendu.  Ne  pensons  point  donc  quant  nous  aurons  este  sours,  lors  que  Dieu  parle  a  nous  que  cela  nous  proffite  rien,  comme  auiourd'huy  ii  y  en  aura  beaucoup  qui  fuiront  les  sermons,  a  fin  qu'ils  n'oient  point  les  menaces  qu'on  prononce  au  nom  de  Dieu  qu'on  ne  les  redargue  point  de  leurs  vices,  il  leur  semble  qu'ils  en  auront  meilleur  marche,  quant  ils  n'orront  rien  de  tout  cela.  Or  ce  pendant  si  est  ce  qu'en  leurs  tavernes,  en  leurs  assemblees  meschantes,  ils  ne  laissent  pas  tousiours  de  murmurer,  car  les  boute  feux  viendront:  o  on  a  tenu  auiourd'hui  tel  propos,  et  hier  on  parla  aussi  de  telle  chose  et  de  telle.  Voila  les  rappors  qui  se  font  a  la  maniere  acoustumee.  Or  que  feront  ils  la  dessus?  ils  ietteront  quelques  coups  de  dens  contre  Dieu,  et  pourquoy?  Il  leur  semble  qu'ils  sont  eschappes  de  sa  main,  pource  qu'ils  n'ont  point  ici  oui  au  temple  leur  condemnation.  Or  qu'ils  ne  pensent  point  avoir  rien  gaigne  pour  cela,  car  les  parois  rendront  tes-  23*