25:358  fulget  Dei  maiestas.  Itaque  prius  membrum  est  ordine  posterius,  tanquam  causae  redditio.  Nam  quod  hortatur  ut  Deo  quam  meretur  gloriam  tribuant,  ad  obedientiam  et  attentionem  refertur:  ac  si  diceret:  Nisi  se  reverenter  doctrinae  subiiciant,  Deum  fraudari  iusto  honore,  quod  ratione  addita  confirmat,  quia  Dei  nomen  sincere  et  fideliter  celebrabit.  Neque  enim  hic  invocatio  sumitur,  ut  multis  locis,  sed  tantundem  valet  ac  professio  Dei.  Ergo  praeconem  se  esse  pronunciat  Moses,  ut  obiecto  sacrosancto  eius  nomine,  audientiam  sibi  conciliet.  4.  Dei  perfectum  est  opus.  Qui  generaliter  non  hypothetice  accipiunt  has  sententias,  non  modo  sensum  obscurant,  sed  vim  quoque  doctrinae  enervant.  Teneamus  ergo,  perfecta  Dei  opera,  viarum  rectitudinem,  et  quae  sequuntur,  conferri  populi  defectioni:  nam  si  quid  in  Dei  operibus  mutilum  vel  incompositum  fuisset,  si  ratio  agendi  minus  recta,  si  dubia  veritas,  si  quid  denique  fuisset  desideratum,  excusatio  fuisset  in  promptu,  populum  aliquid  melius  quaesiisse  quam  in  Deo  reperiebat  :  ubi  autem  quod  optimum  est  experitur,  studium  illud  reprehensione  caret.  Ergo  ne  quid  simile  obtenderent  Israelitae,  Moses  occurrit.  Antequam  de  scelesta  populi  ingratitudine  disserat,  sumit  principium  istud,  nullo  Dei  vitio  fuisse  inductos  ut  alio  adiicerent  animum.  Doctrina  quidem  generalis  per  se  vera  est,  potestque  in  diversos  usus  accommodari:  sed  quid  nunc  agat  Moses  spectare  convenit.  Consilium  autem  eius  est,  omnes  impiae  et  perfidiae  discessionis  praetextus  eripere  populo:  idque  quo  magis  appareat  prodigiosa  amentia,  dum  relicto  fonte  aquarum  viventium  fodit  sibi  cisternas  perforatas:  sicut  Deus  ipse  apud  Ieremiam  (2,  13)  conqueritur.  Videmus  itaque  quotquot  elogiis  Deus  hic  ornatur,  totidem  ignominiae  notas  inuri  populo,  qui  sciens  et  volens  omni  bonorum  plenitudine  se  privavit,  qua  frui  licebat  nisi  se  a  Deo  alienasset.  Porro  opus  Dei  dicitur,  non  tantum  quoad  mundi  creationem,  sed  quoad  totum  providentiae  eius  cursum:  quasi  dictum  esset,  nihil  reperit  in  Dei  operibus  quod  reprehendi  queat.  Iam  perfectio  haec  non  conspicitur  in  singulis  individuis,  quia  insecta  sunt  Dei  creaturae:  et  ex  hominibus  quidam  caeci  sunt,  alii  claudi,  alii  surdi,  alii  mutili  hoc  vel  illo  membro,  multae  fruges  ad  maturitatem  non  perveniunt.  Verum  stulte  et  importune  has  quaestiones  palam  conspicimus  perfectioni  Dei  operum  opponi,  qualis  hic  laudatur  a  Mose:  quia  defectus  quoque  et  vitia  corporum  in  hunc  finem  tendunt  ut  manifestetur  Dei  gloria.  Huic  doctrinae  affinis  est  altera,  vias  omnes  eius  esse  rectas:  nam  EDDttfD  pro  rectitudine  accipi  notum  est.  Opera  autem  et  viae  synonyma  sunt.  Imo  hoc  secundum  membrum  confirmatio  est  superioris:  quia  utroque