9:357  357  MINISTRORUM  ECCLESIAE  GENEVENSIS.  358  quaeritur  quid  senserit.  Augustinus,  nulla  nobis  cum  eo  est  dissensio.  Fatemur  quidem  compluribus1)  locis  Christum  ab  hoc  pio  doctore  fieri  mediatorem,  quatenus2)  homo.  Agnoscimus  etiam  eius  verba,  tam  ex  libro  10  de  Civit.  Dei,  quam  ex  aliis.  In  forma  servi  est  sacerdos  et  idem  sacrificium,  in  hac  se  obtulit,  in  hac  oblatus  est,  secundum  hanc  mediator  est.  Sed  interea  non  dissimulat  necessario  requiri  ad  munus  mediatoris,  ut  sit  etiam  Deus,  ut  lib.  1.  Confessionum  cap.  penultimo:  Ut  mediator  esset,  oportuit  aliquid  simile  habere  Deo,  aliquid  hominibus,  ne  in  utroque  hominibus  similis,  longe  abesset  a  Deo,  aut  in  utroque  Deo  similis,  longe  abesset  ab  hominibus:  atque  ita  mediator  non  esset.  Similiter  lib.  9  de  Civ.  Dei  cap.  10:  Si  omnes  homines  miseri,  quaerendus  est  medius,  qui  non  solum  homo,  verum  et  Deus  sit,  ut  homines  ex  mortali  miseria  ad  beatam  immortalitatem  traducat  beata  eius  mortalitas.  Item  in  Psal.  134:  In  ista  magna  separatione  missus  est  mediator.  Non  poteras  ad  Deum  homo,  Deus  factus  est  homo.  Si  homo  solum  esset,  hoc  sequendo  quod  es,  nunquam  pcrvenires  :  si  Deus  solum  esset,  non  comprehendendo  quod  non  es,  nunquam  pervenires.  Libro  autem  de  Ovibus:  Non  mediator  homo  praeter  deitatem,  nec  mediator  Deus  praeter  humanitatem.  Ecce  mediator,  divinitas  sine  humanitate  non  est  mediatrix,  humanitas  sine  divinitate  non  est  mediatrix.  Sed  inter  divinitatem  solam  et  humanitatem  solam,  mediatrix  est  divina  humanitas  Christi,  et  humana  Christi  divinitas.  Non  negamus  etiam3)  Cyrillum  saepe  ad  naturam  humanam  referre,  quod  Christus  sit  mediator,  no  scilicet  obnoxiam  deitatem  faciat  subiectioni,  quod  Arriani  urgebant.  Verum  alibi  dexter  est  ac  fidus  dictorum  suorum  interpres  Dialogo  2  de  Trinitate:  Mediator  hac  ratione  intelligitur,  quia  ostendit  in  se  ipso  collatas  et  unitas  deitatem  et  humanitatem.  Nam  Deo  est  cognatus,  quandoquidem  ex  eo  est,  ac  in  eo,  nobis  quoque  cognatus,  quia  ex  nobis  et  in  nobis.  Vides  ut  ex  duabus  naturis  constituat  mediatorem,  et  earum  unionem  ad  hoc  munus  necessario  flagitet.  Nec  diversa  est  Chrysostomi  ratio.  Etsi  enim  mediatorem  quaeri  vult  in  humana  natura,  negat  tamen  intercessionem  fore  legitimam,  nisi  accedat  et  divinitas.  Ita  in  2  cap.  prioris  ad  Timoth:  Mediator  utrisque  debet  coniungi,  quorum  mediator  1)  qunm  plurimis  T.  2.  2)  Add.  est  B.  T.  2.  3)  etiam  om.  B.  T.  2.