7:357  357  CONTRE  UN  CORDELIEK.  358  frivoles  qui  plaisent  de  prime  face;  mais,  quand  on  y  regarde  de  pres,  elles  s'esvanouyssent  comme  fumee.  Il  a  un  autre  article  touchant  la  perfection  qu'on  peut  avoir  en  ce  monde,  selon  son  dire,  lequel  il  fonde  sur  une  belle  raison,  que  deux  choses  contraires  ne  peuveut  estre  en  un  mesme  subiect.  Comme  si  sainct  Paul  ne  disoit  pas  qu'en  ceste  vie  mortelle  les  fideles  sentent  tousiours  en  eux  une  repugnance  entre  la  chair  et  l'Esprit.  Car  c'est  aux  enfans  [page  218]  de  Dieu  a  qui  il  parle  aux  Galatiens,  disant:  L'Esprit  combat  contre  la  chair  et  la  chair  contre  l'Esprit,  tellement  que  vous  ne  faites  pas  ce  que  vous  voulez  (G-al.  5,  17).  Et  au  septiesme  des  Romains  (7,  15  ss.)  il  deduict  cest  argument  plus  au  long.  Il  est  vray  que  cest  enrage  dit  qu'il  parle  en  la  personne  d'un  homme  charnel  non  mortifie  :  et  pour  colorer  sa  cavillation,  il  amene  ce  qui  est  dit  au  commencement  du  chapitre  (v.  1):  Ie  parle  a  ceux  qui  cognoissent  la  Loy.  Mais  c'est  une  trop  grande  impudence  de  rapporter  cela  a  la  similitude  que  touche  la  sainct  Paul,  de  l'obligation  que  la  femme  a  envers  le  mary.  Et  de  fait,  tout  ce  qui  est  la  contenu  ne  oonvient  sinon  a  ceux  qui  sont  ia  regenerez  par  l'Esprit  de  Dieu.  Car  notamment  il  dit  qu'ayant  intelligence  de  la  Loy,  il  s'est  condamne  a  mort,  et  n'a  plus  estime  estre  vivant;  *)  item,  qu'il  a  une  volonte  bonne  de  suyvre  Dieu,  ce  qui  ne  peut  estre  que  par  regeneration;  item,  que  ce  n'est  point  luy  qui  fait  le  mal,  mais  le  peche  qui  habite  en  luy.  En  quoy  il  signifie  que  son  principal  desir  est  d'adherer  a  la  iustice  de  Dieu,  mais  qu'il  est  empesche  de  ce  faire  par  l'infirmite  de  sa  chair.  Mais  sur  tout  ie  m'esbahy  que  ce  phrenetique  ne  regarde  a  la  conclusion;  car  il  confesse  que  la  vraye  mortification  [page  219]  de  l'homme  est  d'attribuer  toute  puissance  a  Dieu,  et  non  a  soy.  Or,  sainct  Paul  se  confesse  la  malheureux  et  serf  de  peche,  et  n'acquiesse  qu'en  la  grace  de  Iesus  Christ.  Est  ce  la  le  propos  d'un  homme  charnel?  Ce  qu'il  dit  en  un  autre  passage  :  Ie  ne  vy  plus,  mais  Iesus  Christ  vit  en  moy  (Gal.  2,  20),  ne  contrevient  rien  a  cela;  car  ce  qui  est  dit  au  huitiesme  des  Romains  (v.  10)  accorde  bien  tous  les  deux:  Le  corps  est  mort  a  cause  du  peche,  mais  l'Esprit  est  vie  a  cause  de  iustice.  Voyla  comme  deux  contraires  sont  en  un  mesme  subiect,  contre  la  doctrine  de  ce  phantastique.  Car  3a  vie  y  est  commencee,  et  y  a  encore  du  reliqua  de  mort.  Et  de  fait,  nous  entrons  en  vie  par  Foy,  et  l'infidelite  est  morte.  2).  Or,  il  est  dit  :  1)  nec  amplius  inanem  vitae  persuasionem  habuisse.  2)  ll  doit  y  avoir  ici  une  faute  ^impression  commune  a  toutes  les  editions  francaises.  Le  traducteur  dit  tres-iustement:  Incredulitas  autem  mors  est.