55:357  357  CAPUT  IV.  358  duciam  habeamus  in  die  iudicii:  quod  sicut  ille  est,  nos  quoque  sumus  in  hoc  mundo.  18.  Timor  non  est  in  caritate  :  sed  perfecta  caritas  foras  pellit  timorem,  quia  timor  tormentum  habet:  qui  autem  timet,  non  est  perfectus  in  caritate.  18.  In  hoc  perfecta.  Duo  huius  orationis  sunt  membra  :  nos  divinae  adoptionis  tunc  esse  compotes,  quum  Deum  referimus,  ut  filii  patrem:  deinde  hanc  fiduciam  incomparabile  esse  bonum,  quia  sine    simus  miserrimi.  Priore  itaque  loco  ostendit  qua  lege  nos  Deus  complexus  sit  in  amorem  et  quomodo  hac  demum  gratia  fruamur  quam  nobis  in  Christo  exhibuit:  ergo  hic  caritas  Dei  erga  nos  intelligenda  est.  Perfectam  esse  dicit,  quia  plena  copia  effusa  est,  ac  in  solidum  praestita,  ut  veluti  numeris  omnibus  constet.  Caeterum  non  alios  esse  huius  boni  participes  affirmat,  quam  qui  Deo  conformes  eius  se  filios  esse  probant.  Est  igitur  argumentum  a  coniunctis.  Ut  fiduciam  habeamus.  Iam  fructum  divini  erga  nos  amoris  ostendere  incipit  :  quamquam  postea  clarius  a  contrario  ostendet.  Sed  tamen  haec  inaestimabilis  est  felicitas,  quod  nos  audemus  intrepide  coram  Deo  sistere.  Natura  enim  horremus  Dei  conspectum,  et  merito:  nam  quum  ipse  iudex  sit  mundi,  nos  autem  peccata  nostra  reatu  constrictos  teneant,  mortem  et  inferos  una  cum  Deo  nobis  in  mentem  venire  necesse  est.  Hinc  illa,  quam  dixi,  formido,  ut  Deum  homines,  quantum  in  se  est,  fugiant.  Iohannes  autem  fideles  negat  expavescere,  quum  illis  iudicii  extremi  fit  mentio  :  sed  potius  securos  et  alacres  ad  Dei  tribunal  accedere:  quia  de  paterno  cius  amore  certo  persuasi  sunt.  Tantum  ergo  quisque  in  fide  profecit,  quam  bene  animo  compositus  est  ad  exspectandum  iudicii  diem.  Sicut  ille  est  His  verbis  (ut  iam  dictum  est)  vicissim  hoc  a  nobis  requiri  significat,  ut  imaginem  Dei  referamus.  Qualis  ergo  Deus  in  coelo  est,  tales  nos  in  hoc  mundo  esse  iubet,  ut  censeamur  eius  filii.  Nam  imago  Dei,  quum  in  nobis  apparet,  veluti  adoptionis  eius  est  sigillum:  sed  ita  videtnr  partem  fiduciae  statuere  in  operibus.  Itaque  cristas  hic  erigunt  papistae,  quasi  neget  Iohannes  nos  sola  Dei  gratia  fretos,  habere  certam  salutis  fiduciam,  nisi  simul  adiuvent  opera  :  sed  in  eo  falluntur,  quod  non  expendunt  apostolum  hic  a  causa  minime  argumentum  ducere,  sed  locum  [esse  a  coniunctis  Nos  autem  libenter  fatemur  neminem  reconciliari  Deo  per  Christum.  *quin  simul  reformetur  ad  Dei  imaginem:  nec  posse  alterum  ab  altero  disiungi.  Recte  ergo  apostolus,  qui  omnes  a  fiducia  gratiae  repellit  in  quibus  nulla  conspicitur  Dei  similitudo.  Tales  enim  certum  est  a  Dei  spiritu  et  Christo  esse  prorsus  alienos.  Neque  etiam  negamus,  vitae  novitatem,  quia  divinae  adoptionis  est  effectus,  valere